1E raoiroi riki te atoatongaki ae e raoiroi
n tain te mate
nakon te tangira are e tararuaaki iai
i nanon tain te bungiaki.
2E raoiroi riki irakin te bootaki n taunimate
nakon irakin te baka n am'arake,
a kauringiira taian taunimate
b'a ti na manga boni bane naba ni mate.
3Rinea riki te nanokawaki nakon te ngare
i bukina b'a e karabaa te nano ae e kukurei
te mata n nanokawaki.
4A tang aomata aika a iangoraoi
ma a aki toki ni ngare aomata aika a nanobaba.
5E raoiroi riki te kaetaki mani b'anaan ae e wanawana
nakon te tabekaki ni b'anaan ae e nanobaba.
6Kangare aika a bubuaka bon te m'akuri n nanoroo.
Kaanga ai aron tangin kaai aika iai ingiia
ngkana a toorara i nanon te ai.
7E kananobabaia aomata aika a iangoraoi
te uruaki n nano,
ao e konaa ni burimauniiko te kamaraato.
8E raoiroi riki te b'ai ae e a tia
nakon te b'ai ae e a tib'a karaoaki;
e raoiroi riki te taotaonaki n nano
nakon te kainikatonga ae e korakora.
9A kakai un aomata aika a nanobaba
ao a teimatoa buakakan nanoia.
10E aki wanawana te titiraki ae e kaangai,
“E aera ngkai a rangi n nakobuaka b'aai ngkai
nakon aroia ake mai m'aaina?”
11E raoiroi riki te wanawana
nakon te aomata ae te tia onomwi ni b'aib'ai.
12E kaawakiniko te rabakau
n ai aron te m'ane;
e na kairiko nakon te maiu
te ataib'ai ma te iango raoi.
13Iangoi b'aai aika e a tia ni karaoi te Atua!
Ngkana arona b'a e kab'aouai b'aai te Atua,
ko konaa ni manga kaeti?
14Ko na rangi ni kukurei
ngkana a nakoraoi taai,
Ko na iango b'a tera bukina ngkai
a roko taai aika a buakaka.
E karikii te Atua ni kauoua
b'a ti aonga n ataia
b'a tera ae e na manga riki i mwiina.
Titiraki Tabeua I bukin Te Maiu15I a tia n noori b'aai ni kabane i nanoni maiu ae akea manena aei. I a tia n nooriia kaain te kaawa aika a mate i bukin karaoan te eti, ao I a tia n nooriia taani bure aika a maiu ni karokoa karaia.
16Ma ngaia are, ko na aki tiringko ni karaoan ae e rangi n raoiroi ke n rangi n tim'aati!
17Ko na tai mate i m'aain am tai ti i bukin karaoan ae e buakaka, ke karaoan m'akuri n nanobaba.
18Kateimatoako i nuukan te kawai. Ko konaa ni karaoa aei ngkana ko karinea te Atua.
19E na kakorakorako riki te wanawana nakoia taani kairiiri aika tengaun aika a korakora i nanon am kaawa ae e buubura.
20Bon akea n te aonnaba aei ae e kaakaraoa te eti n taai nako.
21Ko na aki ongora nakon b'aai ni kabane aika a taekin aomata nako, b'a ko kaawa n ongo kamaraiaam iroun am toro.
22Ko bon tuai kaakamaraiaiia koraki aika a bati?
23Ao I taku i boni inanou b'a N na tim'aati ao N na kataia n atai b'aai ni kabane aikai, ma e rangi n ri aon ae I konaa.
24E korakora riki te koaua nakoira. E rangi n nano.
25Ma ngaia are, I a iangoia b'a N na neneri aron b'aai ni kabane, b'a I aonga ni wanawana raoi ni kunea aron ma bukin te maiu. Ao n te tai naba anne, ao I tangiria n ataia b'a e aera ngkai e kananoroo ao ni kakeaa te iango te riki n nanobaba ae e buakaka.
26Aei mwiin te b'ai ae I kunea: E buakaka riki te aine ae e kam'araa nakon te mate. Bon te b'ai ni kam'ane ngaia, ae e kaaenakoa rab'atana ma nanona n raweiko. Ma ngkana ko ongotaeka iroun te Atua, ao ko na konaa ni biri nako mai rouna. Ngkana ko aki ongotaeka, ao e a tia ikanne.
27I kataia n neneri n wanawanau aron b'aai nako b'a a kangaa n tomatoma raoi,
28ma e aki te roko n reke irou. I ti ataia b'a iai ti temanna te aomata ae e raoiroi i buakoia tengaa, ma I tuai ma ni kunea te aine ae e raoiroi.
29Iai te b'ai teuana ae I ataia: Ti rangi n raoiroi ngkoa ngke e moan karikiira te Atua, ma ngkai a tia ni b'aoua ara iango.
Who We AreWhat We EelieveWhat We Do
2025 by iamachristian.org,Inc All rights reserved.
