Itaia 5 - Kiribati New Version Bible

Te Anene i bukin Te Nnenaroka ae te kureebeE taku te UEA:

1N na anenea te anene

ae tangin ana nne n aroka ni kureebe raoraou

are e mena n iteran

te tabuki ae e maiu tanona.

2E kena te tano raoraou,

e kanakoi taian atiibu,

ao e uniki taian kureebe aika a rangi n raraoi.

E karaoa te taua n taratara

ao e kena te b'angab'anga n te tabo ae e ririb'a

i bukin kamantan taiani kureebe.

E kaantaningaia b'a a na rangi ni karewerewe,

ma a bane n tii nako uaaia

aika a maai.

3Ongora, kaain Ierutarem

ao Iuta!

Kam na riki b'a taan motika taekau

ma au nne n aroka ni kureebe.

4Tera riki ae N na konaa ni karaoia

nakon au nne n aroka ni kureebe?

I kaantaningai kureebe aika a karewerewe,

ma ai tenaan kureebe aika a maai

aika a maiu i nanona ni kabane.

5Ao ngkai N na tuangko

b'a tera ae N nang karaoia.

N nang korei aroka ake oona

ao N na kab'akai atiibu.

E na toubekaaki au nne n aroka ni kureebe

ma n tiku n uruaki.

6E na onikaki nakon te rereua,

e na aki kaitiakaki m'aanga ma aroka aika karib'aa;

E na onrake

ni kaai aika a kateketeke ao akanta.

N na tuangiia taian nang

b'a a na aki karokoa te karau.

7Bon te UEA Ngai ae Moan te M'aaka!

Bon te nne n aroka ni kureebe Iteraera,

ao te nne n aroka Iuta

ae I tararuaia.

I kaantaningaa te raoiroi

ao te eti,

ma I tii kunea

te buakaka

ma tangiran te nanoanga.

Kabuakakaan Te Maiu Ae E Aki Eti Iroun Itaia

8Kam a reke n te kaangaanga ae buubura! Kam anaa te auti teuana i mwiin teuana ao te tawaana teuana i mwiin teuana, ni karokoa akea nikiran te tabo i bukiia riki tabeman i aon te aba ni kabutaa.

9Ma e a tia ni karaoa ana berita aei te UEA ae Moan te M'aaka nako iu:

A na akea kanoan taian auti akana a buubura man tamaroa akanne, ao a na akea naba te tia kaawakin.

10Tebwiina te eeka ni nnenaroka ni kureebe, e na ti karekea wanua te riita ranin te kureebe, ao tebubua wanibwi te riita ni koraa e na kona ni karekea tebwi ma wanua te riita te uita.

11Kam a reke n te kaangaanga! Kam utim'aaka n te kaarangaina ni mooi, ao kam toki ni b'akanakon te tai n te tairiki.

12Iai taiani b'aini katangitang aika taiani karai i nanon tain ami mooi ni kukurei, n reitaki ma taian timbere ao taian kaib'ab'aa. Ma kam tuai man iangoi b'aai ni kabane aika e a tia ni karaoi te UEA,

13ma ngaia are, bon akea ae e ataa aron te UEA. Ao anne bukina ngkai a na m'aiti mai buakomi aika a na uaakinaki nakon abaia ianena. A na mate ni baki ami taani kairiiri, ao a na bane kainano aomata ni bora n taka.

14E a tia ni kabanea uren wiina abaia maate ao e a bora n tataningaia taani kairiiri mai Ierutarem ma aia botannaomata aika a kakarongoa, ai moaraara riki koraki ake a kamoamoaaki n te kaawa are e buubura arei.

15A tia ni kab'akaaki kaaina, ao a tia ni kamaamaaeaki aomatana ake a kamoamoa.

16Ma e neboaki te UEA ae Moan te M'aaka, i bukina ngke e a tia ni kaotia b'a antai ngaia ngke e uota te eti.

17A na riki ana aomata b'a kaanga taian tiibu aika a am'arake ni bon oin aia uteute, ao a na uotinako b'aai ake a kiitanaki irouia tem'angina.

18Kam a reke n te kangaanga! Ti te bo te kewe are kam taetaekinna ma te roobu are kam kabaei man uaakin iai taiani bure ma te buakaka.

19Ao kam taku, “Ke e kawaekoaa Atuan Iteraera ae e tabu ni karaoa te b'ai are e a tia ni berita iai, b'a ti aonga ni bon nooria ngaira.”

20Kam kakaaea te kangaanga! Kam taekina te bure b'a te eti, te roo b'a te oota, ao te maai b'a te karewerewe.

21Kam taku b'a kam wanawana man rarabakau.

22Kam kaangaanga n te mooi ma renganan taiani mooi. Ma kam a reke n te kaangaanga.

23Kam kanakoa te tia bure ni kainaomata i bukin butim'aean te m'akuri ni kamaraato, ao kam aki karaoa ae e eti ni kabowian te aomata ae akea ana bure.

24Kam na urarake kaanga te b'ab'ati ni uteute! Kam a tia ni katinanikua ana reirei te UEA ae e tabu ae Atuan Iteraera ae Moan te M'aaka. Ngaia ae ngkai, a na mka wakaami, ao a na riki ni bubu nako ueemi.

25Bon ana Aomata te UEA ngkami, ma kam a tia n rangi ni kaunna, ao e a oroingkami ni baina ae e m'aaka. A ruru taiani maunga, ao e onrake te kaawa ae e buubura n taiani mate kaanga taiani maange. E bon teimatoa naba n un te UEA, ao e tauraoi ni manga oroi riki ngkami. A Buakaningkami Botannaomata ianena

26E a tia n anga ana kanikina te UEA nakoia botannaomata ianena b'a a na roko ni buakaningkami. E a tia ni katang, ao ae a roko ni kawaekoaia.

27Bon akea temanna mai buakoia ae e kua. A aki matu ao a aki nimatutuu, ao a biri ao a aki konaa n toki waeia. E aki konaa ni matana roon nukaia; e aki konaa ni moti kabaean aia kauniwae.

28A kakang aia kanoanikatebe, ao a tauraoi aia kainikatebe. E matoatoa waen aia aoti kaanga atibu aika matoatoa, ao e mino m'aaka wiiran aia kaanibuaka kaanga te kiikannang.

29A bekorara kaanga taian raian ataei ngkana a rawea konaia mani uaakiniia nako nakon te tabo ae akea ae e konaa ni kamaiuia iai.

30N te bong are a na buaka iai, a na rurunga kaanga naoni marawa. Akea te b'ai ae ko na nooria i aon te aba b'a ti te rootongitong ao te kaangaanga, i bukina b'a e na rabunaki ootan te ngaina n taian nang aika a matenten.