1Aikai ana taeka Amota, are te tia kawakin tiibu man te kaawa are Tekoa Uoua te ririki i m'ain te m'aeiei, ngke e uea iai Utia i aon Iuta ao Ieroboam are natin Ioati e uea i aon Iteraera, ao te Atua E kaoti baikai ni kabane nakon Amota.
2E taku Amota,
“E bekorara te UEA man te maunga are Tion;
E rurunga b'anaana mai Ierutarem.
A rai tawaana nako,
ao a b'ata uteuten te maunga are Karemera.”
Motikan Taekaia Botannaomata Ake i Turia3E taku te UEA, “A teimatoa ni kakaraoa te bure kain Taamateko ao N na bon katuaaia i bukin aei. A karaoa te m'akuri n iowawa nakoia kaain Kireata.
4Ma ngaia ae N na kab'aka te ai i aon te bareti are e kateaki iroun te Uea are Ataera, ao N na kabuokii nonon te Uea are Ben-atata.
5N na urua mataroan te kaawa ae Taamateko, ao N na kam'aeia nako kain te m'arua are Awen ma te tia taua taekan Beta-eten. Ana anaaki kain Turia b'a taenikai nakon te aba are Kira.”Biritia
6E taku te UEA “A teimatoa ni kakaraoa te bure kain Kata, ao N na bon katuaaia i bukin aei. A tia ni uotia nako au botannaomata man kabooia nakoia I-Etom b'a tooro.
7Ma ngaia are N na kab'aka te ai i aon oon te kawa ae Kata, mani kabuoki nonona ni kabane.
8N na kam'aeia nako taan tautaeka n te kaawa ae Atitota ao Atikeron. N na orea te kaawa ae Ekeron, ao nikiraia I-Biritia ake a maiu ana bane ni mate.”
9E taku te UEA “A teimatoa ni kakaraoa te bure kain Turo, ao N na bon katuaaia i bukin aei. A uotiia nako botannaomata nakon te kataenikaiaki nako abaia I-Etom, ao aki kawakina te berita n iraorao are a tia ni karaoia i marenaia.
10Ngaia are N na kab'aka te ai i aon aia oo man kabuoka aia nono.”
11E taku te UEA “A teimatoa ni kakaraoa te bure kain Etom, ao N na bon katuaaia i bukin aei. Aki toki n ririmwiia aia utu, Iteraera, ao a kaota te aki nanoanga. Ngkana a un e bon kanganga tokina, ao aki kona ni kakerikaka uniia.
12N na kab'aka te ai ni kamaunai
nonon Teman,
ao Botira.Motikan taekan Ammon
13
Ao Kairiribai a na takaakaa n te bong ni buaka,
ao e na mangaongao te bo-ni-buaka kanga ai aron te ukeuke-n-anti.
15Ana uotaki nako
aia uea ma aia b'akuaku b'a taenikai.
Boni Ngai, ae te UEA ae I taetae!
Who We AreWhat We EelieveWhat We Do
2025 by iamachristian.org,Inc All rights reserved.
