Itaia 61 - Kiribati New Version Bible

Te Rongorongo Ae E Raoiroi ae Taekan Te Tokanikai

1E niniai Tamnein te UEA ae te Atua

ao e taniai!

E a tia n rineai te UEA ao e kanakoai

b'a N na tuangiia ake a karawaawataaki

te rongorongo ae e raoiroi,

ao ni kamaiuia aika a uruaki nanoia,

ao ni katanoata nakoia taekan te kainaomataaki

nakoia buure nako ao taenikai nako.

2Aio te ririki are e

E na kaota iai ana nanoanga nakoira

te UEA ae te Atua

ni katuaaia ara kairiribai nako.

E a tia ni kanakoai te UEA

b'a N na karaunanoia aika a tang,

3mai ai moaraara riki i Ierutarem.

E kanakoai b'a N na anganiia taiani uee

n onea mwiin nanokawakiia,

b'aan te oriwa n onea mwiin taian rannimata,

ao te kukurei

n onea mwiin te uruakinnano.

A na aranaki b'a

“Arokan te Motiraoi,”

are e unikaki iroun te UEA

i bukin neboan arana.

4Ao i mwiina, ti na karaoi kaawa aika a buubura

ake a tia ni uruaki

i nanon rooro aika a bati.

5Ane a na kabooia ianena

b'a a na kaawakiniia aia tiibu

ma aia nne n aroka ni kureebe nako.

6Ma ana riki ngaia b'a

ana ibonga ao ana tia m'akuri

te UEA ae Atuara.

A na b'aina kab'aiaia

botannaomata nako,

ao a na tanoata taekaia.

7A na rangi n riiribaaki

ao n rangi n aki karaoaki ae e raoiroi nakoia;

a na rangi ni kakab'aiaki ngkai

ao a na kukukurei n aki toki.

E Tangira Te Motikitaeka ae Eti Te UEA

8I tangira te motikitaeka ae eti Ngai ae te UEA!

Ma I ririibaa te kimoa

ao te motibuaka.

au Aomata, I kamatoa au berita nakoimi

b'a N na anganingkami kaniwangami

te boraraoi ae akea tokina.

9E na ataaki ami kariki

n te botannaomata ni kabane.

Ni kabane akana a nooriia

a na ataia b'a a tia ni kakab'aiaki

irou Ngai ae te UEA.

Karaoa Ami Bootaki Ni Kukurei Ao Takaarua

10N na karaoa au bootaki ni kukurei ao n takaarua

i bukin au UEA ae te Atua.

I a kunnikaiai ni m'aakan ana m'akuri ni kakamaiu ao ana motikitaeka ae Eti.

A rangi n tamaroa riki

nakon b'aai ni katamaroa aika a b'aab'ainaki

iroun te kabae te aine ke te kabae te m'aane.

11E na karokoa te motikitaeka ae eti

ao te nebonebo te UEA

nakoia bootanaomatan te aonnaba,

kaanga te uee ae e ure

i nanon te nne n aroka.