1Kaain Iteraera, kam tangiria ni m'ananga nakon te aba are E a tia ni beritanna te UEA nakoia ami bakatibu? Kam tangiria n taua, b'a abami ma ni maeka ikekei ma n riki b'a te botannaomata ae korakora? Ngkana ngaia anne, ao kam na kakoauaa raoi b'a kam na ongotaeka nakon taian tua ni kabane aika I anganingkami n te bong aei.
2Kam na aki m'aninga aron te UEA ngke E kairingkami i nanon te rereua i nanon 40 te ririki aika a tia n nako. E tangiria ni kakoauaa b'a kam bon tangiria n ongotaeka nakoina ma ni mwiokoia,
3ma ngaia are, E karaoingkami b'a kam na baki. Ao i mwiina E anganingkami te maana, te aekaki n am'arake ae a bon tuai man ongongo taekana ami bakatibu. E reireiningkami te UEA b'a a aki ti kainanoa te am'arake aomata i bukin maiuna--a kainanoa Ana taeka ni kabane te UEA ake E taekin.
4A aki roko n te mangaingai kunnikaimi, ao a aki roko n te konaaki waemi i nanon 40 te ririki aika nako.
5Ma ngaia are, kam na kaaki i nanomi te koaua ae E a tia ni boaingkami te UEA, n aron te karo ma te tina ngkana a boaiia natiia.
6Kam na ongotaeka nakon taian Tua ake E a tia n anganingkami te UEA ao taromauria ma te maaku ao te ruru.
7E karokoingkami te UEA n te aba ae raoiroi aika raanga iai raan man taiani koburakenran i nanon taiani m'arua ma aon tabuki.
8-9Kam kona ni ken taiani kaab'a n taian tabuki aikai, ao atiibuna bon taiani biti. Kam aki kona ni baki iai b'a a m'aiti iai taiani uita, b'aare, ao taiani katawanang, ao ai uana naba ma taiani kureebe, ao oriwa aika rawata uaaia, bamkuranete, ao taiani kainam'arake, ao a m'aiti naba ikekei aia karewe te manibeeru.
Tai M'aninga Taekan Te UEAAo e taku Moote nakoia Iteraera:10Ngkana kam a tibutaua n am'arake, ao kam na neboa te UEA ae Atuami b'a E anganingkami te aba ae raoiroi.
11Kam na riai ni kakoauaa b'a kam na aki m'aninga te UEA, ke n aki ongotaeka nakon ana Tua ma ana Reirei ake I a tia n anganingkami n te bong aei. Ngkana kam ongotaeka nako iai n taai nako,
12ao a na m'aiti kanami, ao kam na katei auti aika raraoi aika kam na maeka iai.
13A rikirake m'aitin ami kao, tiibu, tirewa, koora, ao b'aai riki tabeua.
14Ma ngkana a riki baikai, ao kam na aki kainikatonga. Kam na aki m'aninga ae bon tooro ngkoa ngkami i Aikubita, ao bon te UEA ae kainaomataingkami.
15Kam na uring naba arona ngke E kairingkami n te rereua are rangi ni korakora ma ni kakamaaku, ike a mena iai taiani naeta, ao tikaobian aika kamamate. Bon akea te ran, ma E katabwena te b'a te UEA, ao e tiinako te ran, ao kam a mooi iai.
16Ao E anganingkami naba te maana, te aekaki n am'arake ae a tuai ma ongongo taekana ami bakatibu. E kataingkami te UEA b'a kam aonga n onimakinna, b'a E aonga ni karaoa ae raoiroi nakoimi rimwi.
17Ngkana kam tetekeraoi, ao kam na aki kaangai, I a kaub'ai, I boni karekei ni korakorau.
18Ma, kam na uringa te UEA ae Atuami are anganingkami te marurung i bukin karekean maiumi. Ao anne arona ni kaawakin ana Berita nakoia ami bakatibu.
19-20Ma I kauringngkami—b'a ngkana kam m'aninga taekan ami UEA ae Atuami, ao kam a manga taromauriia atua tabeman, ao E na tiringingkami te UEA, n aron tiringaia botannaomata ake kam buakaniia.
Who We AreWhat We EelieveWhat We Do
2025 by iamachristian.org,Inc All rights reserved.
