1Bon aei ana anene Toromon
ae e rangi n tamaroa.
E taku Neierei:2Karaua raoi ni kiiti ma ngai!
E tamaroa riki am tangira nakon te wain,
3ao ko rangi ni boiarara.
A bane ataeinaine n tataaniko;
kaanga ai aron kianakon te boiarara
tataekinan aram.
4Kawaekoako, au uea! Ti a kawaekoaira.
Kairai nakoni mwengam.
E taku Neierei:Ti rangi ni kukurei iroum!
Ao ti neboa am tangira
nakon riki te wain.
Ao e taku te ataeinaine:Ataeinainen Ierutarem,
e tamaroa
b'a kam na ti neboia.
5I b'atab'ata ao I botonaine,
kaanga te autinrianna n te rereua
ke kaanga ana roki nako Toromon.
6Ko na tai karekea taarau
i bukina ngkai e b'atab'ata kuniu
b'a mwiin aan te riringa.
A un irou tariu;
ao a kam'akurai n te nnenaroka ni kureebe,
ai ngaia are I a aki tabe
ma ribau.
7Raou, I tangiriko!
Ko kakaam'arakeia ia am tiibu
ao ko kamotirawaia ia n te tawanou?
Tai kataia n tuangiia tiibu
b'a ana taraai b'a I buakaka
Bon tiaki ngai temanna mai buakoia aine
aika a aki mamaamaa n iririia
taani kaawakintiibu. E taku Teuarei:
8Neie ko rangi n tangiraki, ngkana ko aki ataia,
ao ko na ira kawaia
tiibu.
Ao kaam'arakeia am kooti ataei
i rarikin aia autinrianna taani kaawakintiibu.
9Ko rangi ni kantara
kaanga te aoti are e kaira
ana kaanibuaka te uea.
10E karakaa tamaroam te taabia,
ao e m'aeniko n te m'aenroroa
ae e karaoaki man atiibu aika a kakaawaki.
11Ti na karaoa katamaroaam
man te koora, aika a rarangaaki ma te tirewa.
E taku Neierei:12Au uea, ngke ko toka
i aon am kaintekateka,
ao bon te b'a n tabunea ae e m'aaka au tangira.
13Raou, bon te boiarara ngkoe
i marenan mammau;
14Boni ueeni kaai ngkoe
man te nnenaroka are En Keri. E taku Teuarei:
15Au tangira, ko rangi kantangiraki,
i aon te taatangiraki
matam kaanga matan te taobe.
E taku Neierei:16Raou, ko rangi ni botonim'aane,
ko botonim'aane n te koaua
E na riki te uteute ae e mawaawa
b'a ara kainiwene ngkana ti mareaki
17ae e mena i aan nuun te tiira
ao kaai aika m'aiango.
Who We AreWhat We EelieveWhat We Do
2025 by iamachristian.org,Inc All rights reserved.
