Te Otinako 27 - Kiribati New Version Bible

Te Bao ni karea i bukin Te Angakarea(Te Oti 38.1-7)E taku te UEA nakon Moote:

1Karaoa te baonikarea man te kai ae te aketia ae uoua ma te kuata ni miita raababana ma ab'akina ae teuana ma te katenim'akoro rietana,

2ao kaoti rakei koonana ake aua kaanga koron te kaomm'aane. Ao i mwiina, kabira te baonikarea ni kabane n te buraonti, n reitaki ma korona ake aua.

3A na bane b'ain nako te baonikarea ni karaoaki n te buraonti, taian baan i bukin te mannang ae kabuebue, te tiabora, taian boora n tataauri, kainiwaiteken te irikoniman, ao baanin te ai.

4Karaoa te b'ai ae rinenako ni katobibia te baonikarea i nuukan tabona mai eta ma tabona mai nano,

5ao kabira oina, kabira kaam'akoron bukin te baonikarea mai nano n te warawara te buraonti ni katamaroaa. Ao i mwiina, kanim'a te m'am'a te buraonti i aan te b'ai are e rine nako ni katobibia te baonikarea ni koonan te baonikarea ake aua.

6Kabiri taian amo ake uoua ake a karaoaki man te kai te aketia n te buraonti

7ao karin i nanon taian m'am'a b'a b'ain uotakin te baonikarea.

8Karaoa te baonikarea kaanga tein te b'aoki ae e uki, n aron are I a tia ni kaotia nakoim i aon te maunga.

Te Katawanang i Tinanikun Te Um'antabunrianna(Te Oti 38.9-20)E taku te Atua

9Karaoa te katawanang ni katobibia te Um'antabunrianna ae abwi ma aua te miita ab'akina, i maiakina ma meaangina

10ao uabwi ma uoua te miita raababana i mainikuna ma maeaona.

11Katei uabwi taian boua buraonti i aon taian kaintei i bukin maiaki ao meang

12ao tebwina i bukin maeao.

13Ao i mwiina, katinea te keeten ni kaokoro ae tamaroa

14i aon bouan nako rarikina ake tenua.

15Kamanenaa te matau te tirewa ma kaibiti i bukin katineana.

16Kamanenai aua riki taian boua mai buakon aikai i bukin mataroan te kawai n rin, ao i mwiina, katinei raoi taian keeten ake a korotinaki ake a karaoaki n te riinen ae tamaroa ae ruaiwa te miita ab'akina ae karaoaki man te burae n tiibu ae buru, uraro, ao ae uraura.

17A na riai n uoua ma te kuata te miita rietan taian keeten ake a katobibia te katawanang

18ao a riai n katineaki man taian boua buraonti ao taian matau aika taian tirewa ao taian kaibiti.

19A riai ni karaoaki nikiran b'ain nako te Um'antabunrianna man te buraonti, n reitaki ma taian beke i bukin te auti n rianna ao i bukin naba te keeten are katobibia te katawanang.

Oeran Te Taura N Te Tabo Are Moan Te Tabu(Nak 24.1-4)E taku te Atua nakon Moote:

20Mwiokoia Iteraera b'a a na kaakatauraoa b'aan te oriwa ae itiaki. Kam na karaoa aei b'a e aonga n teimatoa uran te taura

21i matan te keeten are e kaokoroa te tabo are e tabu ma te tabo are moan te tabu, are kaawakinaki iai te Atiniberita. Tabeia Aaron ma natina mm'aane kaakauraan te taura ni katoa tairiki i nanon te Um'antabunrianna. A riai Iteraera n ongotaeka nakon te mwioko aei.