1Ane katanna iroun te Atua ae Moan te Rietaata,
Ane kamanoa iroun te Atua ae M'aaka,
2E na kaangai nakoina,
Bon te tia katanai ao te tia kamanoai Ngkoe.
Bon Atuau Ngkoe; I onimakiniko.
3E na kakawakiniko b'a ko na aki
kabuanib'ai mani b'aai ni kam'am'ane aika raba mai roum,
Ao man aoraki aika kamaamate.
4E na rabuniko ni baina kanga ai aron
te mannikiba ni kawakinia bunna i aani baina;
E kakaonimaki te Atua ni kawakiniko ao ni kamanoko.
5Ko na aki maka te b'ai teuana ae kakamaaku n te bong,
Ke buakanakim ae karina n te ngaina,
6Ke anti aika buakaka aika aiwaa n te
bong ma te ngaina n iowawa ma n tiritiri.
7Ngkana a b'aka ni mate tengaa te aomata i rarikim,
Ao tebwina tengaa ni katobibiko,
ma ngkoe, ko na bon aki ikoaki.
8Ko na ti tarataraia akana buakaka
ma n noori aroia ni karekeaki kaiia.
9Ngkai ko a tia ni karika te UEA ae Moan te Rietaata b'a te tia kamanoko
ao te tia kawakiniko man te kabuanib'ai,
10Ao bon akea te kabuanib'ai ae na roko iroum,
Ke te rawaawata ae na kaania mwengam.
11E na mwiokoia ana anera te Atua b'a a na tararuaiko
ni kawakiniko n taabo ake ko na nako iai.
12A na tauko ni baiia
b'a e kaawa n toki waem n te atibu.
13Ane ko na toutou aoia raian ma naeta
aika tiritiri ma ni kamaamate.
14E taku te Atua, “N na kamaiua akana tangirai,
Ao N na kakawakiniia akana ataai b'a te UEA ngai.
15Ngkana a weteai, ao N na kaekaia;
ngkana a kai nanoia, ao N na mena irouia.
N na kamaiuia ma ni kakab'aiaia.
16N na anganiia kaniwangaia ae te maiu ae ananau;
N na kamaiuia.
Who We AreWhat We EelieveWhat We Do
2025 by iamachristian.org,Inc All rights reserved.
