1.Uea Taekan te Boki aei - Kiribati New Version Bible

Taekan te Boki aeiTe Moan ao te Kauoua ni bokiia Uea bon booki aika tii teuana. A uaia ni kab'arab'araa aron rongorongon ngkoa te botannaomata ae Iteraera n ana kabanea n tai ni maiu te uea are Tawita nakon b'akan te nono are Ierutarem, ao taenikaia te botannaomata nako B'aburon. Te Moan ao te Kauoua ni bokiia Uea e aki tii reita rongorongoia tibun Iteraera n aron ane taekinaki n te Moan ao te Kauoua n Tamuera, ma e bon kaota naba aroia uea ni kakaonimaki ke n aki kakaonimaki nakon te Atua. Te Moan bookiia Uea e moanna mani kab'arab'araan kabanean ririkin maiun te uea are Tawita, ao ni manga reitia nako ma aron natina are Toromon n rikina b'a te uea n onea mwiin tamana ao ni wakina katean ma katabuan te um'antabu i Ierutarem. Kauouan iteran moan bokiia Uea e taekina aron te abanuea are Iteraera ngke e a uamaaenako nakon uoua, Iteraera i meang ao Iuta i maiaki. I nanon te m'akoro aei ao e a taekina ana m'akuri ae kakawaki te burabeti are Eria. E bon kataia naba te Boki aei ni kataunarii aroia taan tautaeka n abanuea aika uoua aikai n reitaki nako nakon maten uean Iteraera are Aaba ma uean Iuta are Ieotiab'ata i nukan te karuaiwa n tienture.Oi n iango i aon te boki aeiTokin ana tautaeka Tawita 1.1—2.12

Rikin Toromon b'a te uea 2.13-46

Ana tautaeka Toromon 3.1—11.43

a. Moan ririki 3.1—4.34

e. Karaoan Ma Katabuan Temboran Ierutarem 5.1—8.66

i. Ririki ake rimwi n ana tai ni Uea Toromon 9.1—11.43

Bwenauakin aba n uea 12.1—22.53

a. Aia kaitaraa te baronga are i meang 12.1—14.20

e. Uean Iuta ma Iteraera 14.21—16.34

i. Te Burabeti are Eria 17.1—19.21

o. Uean Iteraera are Aaba 20.1—22.40

u. Ieotiab'ata mai Iuta ao Ataria mai Iteraera 22.41-53