1E kakannato te UEA,
ao E na bati ni karaoiroaki
n ana kaawa are maeka iai,
i aon ana Maunga are tabu.
2E rietaata ao e tamaroa Tion, ae ana maunga te Atua;
ana kaawa te uea ae kakannato
ao e kakukurei nakoia aomata
nako i aonnaba.
3E a tia te Atua ni kaotia b'a te nne ni kamanomano
i nanon nonon te kaawa.
4A bootaki uea
b'a a na buakana te kaawa,
5Ma ngke a noria ao a mimi iai;
A maaku ao a biri nako.
6A taonaki n te maaku ae korakora,
kanga ai aroia aine aika nangi bung;
7Kanga ai aroia kaibuke ake a uruaki
n te ang ae e rangi ni matoatoa karena.
8Ti a tia n ongo taekan te baere E karaoia te Atua,
Ao ti a tia n noria ngkai n ana kaawa Atuara,
ae te UEA ae Moan te M'aaka;
E na kawakina te kaawa n taai nako b'a e na aki kabuanib'ai.
9Te Atua, ti iangoa am Atataiaomata i
nanon am Tembora.
10Aron aram ngkae e ataaki n taabo nako,
Ao ai aron naba katituaraoam ni buta nako i aonnaba ni bane,
ngkai a reke am Tokanikai ni m'aakam.
11A na kakatonga kaain Tion!
Ao a na kim'areirei kaain Iuta
i bukin am Babaire aika eti.
12Ti na nakonako ni katobibia Tion,
Ao wareki m'aitin tauana nako.
13Ti na noori oona aika matoatoa,
Ao ni karoko n nonona;
Ao kam a kona ni kaangai
nakoia rooro aika na roko,
14Aio aron Atuara n aki toki;
E na kairirira n taai nako.
Who We AreWhat We EelieveWhat We Do
2025 by iamachristian.org,Inc All rights reserved.
