1E ngae ngke bon te aomata ae rangi n nanorinano Moote nakoia aomata ni kabane n te aonnaba, Miriam ma Aaron a moanna ni ngurengureakinna,
2“Bon akea riaina b'a e na iein Moote ma ainen Itiobia arei!
3B'a kaanga ai bon antai ngaia n ana iango? E bon tataetae naba te UEA nako ira tiaki tii ngaia.”
E bon ongo te UEA ngurengureia
4ao E tuanga Moote, Aaron, ao Miriam b'a a na nako mataroan te Um'antabunrianna.
5Ao E kaoti te UEA n te nang ao E tuanga Aaron ma Miriam b'a a na kaaniia riki.
6Ao ngke a tia n tuangiia b'a a na kakauongo raoi, ao E taku:
“Bon te UEA Ngai, ae taetae nakoia burabeti
n taiani kaotioti ma taiani mii.
7Ma Moote bon Au tia m'akuri
ae te tia kairiia Au aomata.
8E norai, ao n i taramata ma ngai,
ao b'aai ni kabane ake I tuangnga
a teretere raoi.
Ao bon akea riaimi ni ngureakina
Au tia m'akuri ae Moote.”
9Ao E un te UEA irouia Aaron ma Miriam, ao ngke e a kitaniia
10ao e mauna nako te nang mai aon te Um'antabunrianna, kunin Miriam e bitaki ni mainaina man rebera. Ao ngke e noora te b'ai ae riki nakon kunin neirei Aaron,
11ao e taku nakoni Moote, “Teuae ko karineaki, taiaoka, ko na aki katuaaira n ara m'akuri n nanobaba aikai.
12Ko na aki kakuonakoa kunin Nei Miriam n ai aron te ataei ae e a bung naba ni mate!”
13Ao e tataro Moote ni kaangai, “Te UEA ae te Atua, taiaoka kamaiua neiei.”
14Ma E taku te UEA, “E na tiku n rawawata Nei Miriam i nanon itiua te bong ngkana e a tia tamana ni katuaaea ni baawarea matana. Ma ngaia ae, ko na katikua i tinanikun te maeka i nanon itiua te bong, i m'aain okina.”
15Ao E aki roko n te kam'ainga aia maeka Iteraera te UEA ni karokoa okin Miriam i mwiin itiua te bong.
16Ao i mwiina, a kiitana Aterota, ao a manga katea aia maeka n Rereuan B'aran.
Who We AreWhat We EelieveWhat We Do
2025 by iamachristian.org,Inc All rights reserved.
