1Bon te burabeti Moote, ao e kakab'aiaia barongan Iteraera i m'aain matena ao e kaangai:
2E roko te UEA man te Maunga are Tinai
E anga te oota mai Etom
nakoia ana Aomata,
ao e oota nako mimitongina
man te Maunga are B'aran.
Teuana tengaa Ana tautia
aika raona,
ao te ai
i baina are te angaatai.
3E tangiria barongan Iteraera te UEA
ao E kaawakiniia ana Aomata.
A kakauongo nakon Ana taeka
ao a taromauri i waena.
4Ao I tewea te bowi
irouia barongan Iteraera
ma n anganingkami ana Tua te Atua.
5Ao i mwiina, kam karika te UEA b'a ami uea ngkami ma taani kairiiri.
6Kam na maiu kaain te baronga are Reuben
e ngae ngke te baronga
ngkami ae uarereke.
7E na ongora iroumi Te UEA
kaain te baronga are Iuta,
ngkana kam bubuti
okiran ami auti ma te kaawakinaki.
Kam buakaniia ami kairiribai n ti ngkami;
ma E na buokingkami te UEA ngkai.
8E kataingkami te UEA
n taian koburakenran ake Mata ao Merib'a,
te baronga are Rewi.
Kam kakaonimaki,
ao bon anne bukina
ae e anganaki iai kanoan Rewi te m'akuri n ibonga.
9E rangi ni kakannato riki iroumi b'a
kaawakinan ana boraraoi Iteraera
ma te UEA
nakon maiuia tamami
ke tinami,
ke tarimi ke m'anemi.
ke oin natimi.
10Kam reirei ana Tua te Atua nakoia Iteraera,
ao kam anga taiani karea
ao kam kabuoki taian b'ai ni kaboiarara
n te tabo n taromauri.
11I tataro b'a E na kakab'aiai
b'aai ni kabane akana kam karaoi
ma n anganingkami te korakora
ni kamanatuaia ami kairiribai.
12E tangiringkami te UEA ae Moan te Rietaata,
te baronga ae Beniamin.
E na maeka i buakon ami tabuki
ma ni kaawakiningkami.
13Kanoan Ioteb'a,
e na kakab'aiaingkami te UEA
n te ran ae e raoiroi
man taian m'anib'a aika nano
ao man te aoi mai karawa.
14A na tawaa n ootan taai
uaan arokami n te nam'akaina teuana ma teuana.
15A na rangi ni m'aiti uaan arokami
aika a mena ni karaabeen
te tabuki are mangkoa.
16E kan anganingkami
uaan te aba aika rangi n raraoi
te UEA are kaoti ngkoa
man te kai ae bue,
ao a na toka i aon atuun Ioteb'a
kaanga ana baunuea te natinuea.
17A kakannato ao a kakamaaku
n aron te kaom'aane ke te kao ae aki manana,
aia taanga ni buaka Eberaim
ao Manate
a na ewariia botannaomata
aika raroanako n aia kainiwai.
18Kam na kukurei, Teburun,
ngkana e ienako ami booti;
kam na kukurei, Itaakara,
i nanon ami autinrianna.
19E na kabatiai ami b'ai taari,
ao a na reke kaub'aimi
man tanon te bike.
Ma ngaia are, kam na kaoiia baronga ake tabeua
b'a a na raoningkami n ami bootaki
ao n ami angakarea nakon te Atua.
20Te baronga are Kaata,
E na kakab'aiaingkami te UEA
n anganingkami aaba riki tabeua.
Ma ngaia are, kam na takaarua n nebonebo.
Kaanga ai aron te raian ami baronga
n raebitiia konana.
21A bootaki ami tani kairiiri
ao a rinea te aba ae rangi n tamaroa
i bukin ami baronga,
ma kam ongotaeka nakon te UEA
ao kam buokiia baronga ake tabeua.
22Te baronga are Taan
kaanga ai aron te bun n raian ngkoe,
ae kakubanakoaki iroun te naeta.
23E kukurei te UEA iroumi,
kaain te baronga are Nabetari.
E na kakab'aiaingkami
ma n anganingkami te aba
are e wairio ao are nakoaiaki.
24E karaoa Ana kakab'aia ae moan te raoiroi te Atua
i bukim te baronga are Atera.
Ko na riki b'a te baronga ae tatangiraki
irouia baronga ni kabane.
Ao ko na kaub'ai ni b'aan te oriwa
25ao a na reke mataroan am kaawa aika matoatoa
aika te buraonti ao te biti b'autiia.
A na korakora ami aomata
ni kabane bongin maiuia.
26Kaain Iteraera, bon akea te atua temanna
ae ai aron Atuara;
taian nang Ana kaanibuaka
ngkana E m'ananga i aon taiani karawa
ngkana E na kawariira ni buokiira.
27Nnera ni karabaira
te Atua ae akea tokina;
E uotiira ni baina.
Ngkana E tuangkami te UEA
b'a kam na tiringiia ami kairiribai,
ao ane E na kabirinakoia mai m'aaimi.
28Kaain Iteraera, kam na maeka ma te rau;
a na maunanako ami kairiribai.
E na b'aka te aoi mai karawa,
ao a na rangi ni m'aiti
ami uita ao ami wain.
29E a tia ni kamaiungkami te UEA
ao ma n anganingkami taiani kakab'aia
ae m'aiti riki nakon kakab'aiakiia botannaomata tabeua.
Kaanga ai aron te otanga Ngaia ngkana E kamanoingkami
ao bon ami kabaang ae mimitong Ngaia.
A na bobaraaki ami kairiribai ma te maaku, ao ane kam na toubekai nuukaia.
Who We AreWhat We EelieveWhat We Do
2025 by iamachristian.org,Inc All rights reserved.
