1 i bukin riaoakin te tua iroumi ao i bukin ami bure,
2ake kam nakonako iai ngkoa ngke kam toua kawain aon te aba ae buakaka aei, ao ngke kam ira nanon te uea are tautaeka i aoia tamnei aika buakaka ake i aani karawa, ake tamnei ake a m'am'akuri ngkai i nanoia aomata aika aki-ongeaba;
3ake boni ngaira naba ngkoa i buakoia ngke ti bane ni kaoti arora ni maiura b'a ti iri nanoni kaib'ab'arun rab'atara ma nanora; bon aomata ngaira aika e mena i aora unin te Atua, ao ti te bo arora ma aomata ni kabaneia.
4Ma e rangi ni korakora nanon te Atua n nanoanga i bukin ana tangira ae bati are E tangirira iai;
5b'a ngke ti mate i bukin arora n ririaoakin te tua, ao E kamaiura Kristo, b'a kam kamaiuaki n te akoi,
6ao ngkai ti katiteuanaki ma Kristo Iesu, ao E a manga kamaiura ma Ngaia man te mate ao E katekatekaira ma Ngaia i karawa,
7b'a E aonga ni kaotia nakoia rooro ma rooro aika na roko aron ana akoi ae akea n ai arona ni kaub'aina, n ana ataataiaomata nako ira, irouni Kristo Iesu.
8B'a kam kamaiuaki n te akoi i bukin te onimaki; ao tiaki mai roumi ae reke iai aei, ma bon ana b'ai n tituaraoi te Atua;
9kam aki kamaiuaki n ami m'akuri, b'a e kaawa ni kamoamoaa temanna.
10B'a kanoan ana m'akuri ngaira, aika ti karikaki i nanoni Kristo Iesu i bukini m'akuri aika raraoi, ake E a kamani katauraoi b'a ti na karaoi.
Te Riki n Teuana i Nanoni Kristo11Ma ngaia ae kam na ururingnga, b'a tiaki I-Iutaia ngkami ngkoa n rikimi, aika kam atongaki b'a te Aki-korotabonim'aneaki i rouia ake a atongaki b'a te korotabonim'aneaki n aroia ngke a korotabonim'aneaki ni baiia aomata;
12ao kam tuai n reitaki ma Kristo ngkekei, ngke kam ianena nakoia te botannaomata ae Iteraera, ao akea nnemi n taiani boraraoi ake kanoan te taeka n akoi, akea ami kaantaninga ao kam aki reitaki ma te Atua ni maiumi i aon te aba aei.
13Ma ngkai kam a katiteuanaki ma Kristo Iesu, ngkami ake kam raroa nako ngkoa ma te Atua, kam a riki ni kaan n raraani Kristo.
14B'a Kristo boni Ngaia ara raoi, b'a E karikiia I-Iutaia ma aomata aika tiaki I-Iutaia b'a te botannaomata ae ti teuana; ao ni matena i aon te kaibangaki E urua te riribai are tei b'a kanga te roki i marenaia.
15 nako ni karokoa ae e riki b'a te Tembora ae tabu i bukin te UEA.
22Ni katiteuanakimi ma Ngaia ao kam a kateaki naba ma raomi nako n onimaki b'a ana auti te Atua ae na mamaeka iai iroun Tamneina are Raoiroi.
Who We AreWhat We EelieveWhat We Do
2025 by iamachristian.org,Inc All rights reserved.
