Ioane 9 - Kiribati New Version Bible

E Kamaiuaki te Aomata ae Mataki ma ngke e moa ni Bungiaki

1Ngke E tabe n nakonako Iesu, ao E nora te aomata ae matakii ma ngke e moa ni bungiaki.

2A titirakinna ana reirei ao a taku, “Te Tia Reirei, antai ae bure ngkae e bungiaki ni matakii teuaei? Ngaia ke ana karo?”

3E kaekaia Iesu ao E taku, “E aki bungiaki ni mataki i bukin ana bure ke aia bure ana karo, ma e mataki b'a a aonga ni kaotaki ana m'akuri te Atua i rouna.

4E riai b'a ti na karaoi ana m'akuri Teuare kanakomaiai, ngkae e ngaina; e a kani bong, ao akea ae e kona ni m'akuri iai.

5

36E kaeka teuarei ao e taku, “Te Uea, antai Ngaia, b'a N na onimakinna?”

37E taku Iesu nakoina, “Ko a tia n noria, ao boni Ngaia ae taetae ma ngkoe ngkai.”

38Ao ngaia e taku, “Te Uea, I onimaki;” ao e katorobubua ni bobaraaki n taromauria.

39Ao E taku Iesu, “I roko n te aonnaba aei ni kaeti b'aai: b'a a na noraba akana matakii, ao a na riki ni matakii akana noraba.”

40A ongo ana taeka Iesu B'aritaio tabeman ake a kaani ma Ngaia, ao a titirakinna ni kaangai, “Ao ngaira, ti matakii naba?”

41E taku Iesu nakoia, “Ngke arona b'a kam matakii, ao kam aki atongaki b'a kam bure ngkana kam karaoa ae buakaka; ma ngkai kam kaangai, Ti noraba, ao e bon tiku i aomi mwin ami bure.”