1A kab'aia akana a moa n raoiroi aroia,
akana ongeaba nakon ana Tua te UEA.
2A kab'aia akana kawakin ana taeka,
akana ukoukoria n nanoia ni kabane;
3Akana aki karaoi m'akuri aika buakaka,
ma a karaoa nanona.
4Ko tuangiira am Taeka b'a ti na
botum'aka n tauu.
5Bon au kaantaninga b'a N na
kakaonimaki n tauu am Tua!
6Iaiangoan am Tua irou
bon tukau mani karaoan te b'ai ae
N na kamaamaaeaki iai.
7Ngkai I reirei am Moti aika raraoi,
ao N na katituaraoiko ma nanou ni koaua.
8N na ongeaba nakon am Tua;
tai kitanai naba teutana!
Te Ongeaba Nakon Ana Tua te UEA9E kanga n reke te maiu ae itiaki iroun te aomata ae e a ikawai?
Tii ngkana e ongeaba nakon am Taeka.
10I kekeiaki n toro iroum ma nanou ni koaua;
Kawakinai man riaoan am Tua.
11I kaaki am Taeka i nanou,
b'a I aonga n aki bure nakoim.
12Te UEA, I neboiko;
reireiai am Tua.
13N na karakin am Tua
ake Ko a tia n taekin.
14I a kukurei riki n iri nanon am Taeka
nakon tangiran te kaub'ai ae bati.
15N na kamateb'aia am Tua,
ao N na nenera am Taeka.
16I kukurei n am Tua;
N na aki m'anuoka am Taeka.
Te Kukurei n ana Tua te Atua17Ko na akoai, ngai ae am Toro,
b'a I aonga ni maiu, ao N na taua am Taeka.
18Kaure matau, b'a I aonga n taratarai
koaua aika kamimii akana i nanon am Tua.
19Tiaki te tia tiku ni maan ngai i aon te aba;
Tai tukai man atan am Tua.
20E rangi ni kainano nanou n tangira
am Tua n taai nako.
21Ko boaiia akana kainikatonga,
a na reke kaiia, akana aki ongeaba nakon am Tua.
22Kawakinai man aroia n iowawa ao n riribai,
i bukina ngkai I kawakin am Tua.
23A kabowi taan tautaeka n iangoa bukinau,
ma N na bon teimatoa n iaiangoi am Taeka n reirei.
24A kakukureiai am Taeka n reirei,
ao a anganai naba taeka ni buobuoki.
Te Nano Ni Kan Ongeaba Nakon Ana Tua te UEA25I a kani mate:
kamaiuai, n ai aron am Taeka.
26Ngke I kaoti nakoim au kaangaanga, ao Ko kaekai au tataro;
Reireiai am Tua.
27Buokai b'a N na oota n am Tua,
ao N na iaiangoi am Taeka n reirei aika kamimii.
28I taonaki n te nanokawaki ae moan te bati:
Ko na kakorakoraai, n ai aron am Taeka.
29Kawakinai mani b'ainan te maiu ni kewe,
Ao nanoangaai n reireiai am Tua.
30I a tia ni kataua b'a N na ongeaba;
N na aki m'anuoki am Tua.
31I iri nanon am Taeka, te UEA,
buokai b'a N na aki mamaa iai.
32N na kakorakoraai n tou mwin am Tua,
Buokai ni karabaaba riki ootan nanou.
Te Tataro I Bukin Te Kan Oota33Te UEA, reireiai nanon am Tua,
ao N na iri nanoia n taai nako.
34Anganai te kona n ota n nanon am Tua,
B'a I aonga n ongeaba nako iai,
ao ni kawakinna ma nanou ni koaua.
35Kateimatoa ongeabau nakon am Tua,
b'a I kukurei iai.
36Angan nanou te kan ongeaba nakon am Tua,
Ma tiaki te mataai ni kanib'aib'ai.
37Kawakinai man iaiangoani baika akea bonganaia,
Ao anganai te maiu n iran nanom.
38Kakoroa bukin am Taeka are Ko a tia ni kab'aka nako iu, ngai ae am Toro
are am Taeka i bukiia ake a karineko.
39Kamaiuai man taetae n iowawa aika I rangi n ribaai;
Ai kamimiira am Moti!
40I kan ongeaba nakon am Tua;
anganai te maiu ae boou, B'a te aomata n raoiroi Ngkoe.
Onimakinan Ana Tua te UEA41Te UEA, kaota nako iu m'aitin tangirau iroum,
Ao kamaiuai, n ai aron am Taeka.
42Ao I a kona ngkanne ni kaekaia akana iowawa nako iu,
B'a I onimakina am Taeka.
43Anganai te kona n taekina te koaua n taai nako:
B'a I onimakina arom ni babaire.
44N na ongeaba nakon am Tua
n taai nako ao n aki tootoki.
45N na maiu n inaomata,
ngkai I kekeiaki n ongeaba nakon am Tua.
46N na tataekin am Taeka nakoia uea,
Ao N na aki mamaa iai.
47I kakukureiaki n am Tua
i bukina ngkai I tangiri.
48I karinei ma n tangiri am Tua,
N na iaiangoi.
A Onimakinaki Ana Tua te UEA49Uringa te baere Ko a tia n taku nako iu, ngai ae am Toro,
b'a Ko na karaoia; ngaia ae I mwiokoia.
50E bebete nanou n au tai n rawaawata,
B'a e anganai te maiu am Taeka.
51A aki toki ni kaenaenaai akana kainikatonga,
Ma I kakaonimaki n iri nanon am Tua.
52Te UEA, ngke I uring am Moti ake ngkoangkoa,
Ao a karekea raun nanou.
53I rangi n un irouia aomata aika
buakaka aika urua am Tua.
54A riki b'a m'aneweni kunau
taekan am Tua n au tai ni maiu ae kimototo i aon te aba.
55Te UEA, I uringko ni bong,
ao I ongeaba nakon am Tua.
56E reke kukureiu
n touani mwin am Tua.
Te Kakaonimaki Nakon Ana Tua te UEA57Te UEA, akea ae I tangiria b'a ti Ngkoe,
N na ongeaba nakoim.
58I butiko ma nanou ni koaua,
b'a Ko na nanoangaai,
n ai aron am Taeka.
59I iangoi aroarou,
ao I a manga rairaki n tou mwin am Taeka.
60I kawaetataai, ao I aki iremwe,
n tou mwin am Tua.
61A kataia ni kani kam'aneai akana buakaka,
Ma I aki m'anuoka am Tua.
62N na teirake n te nukanibong ni katituaraoiko
i bukin am Moti aika raraoi.
63Bon raoia akana karineko ngai,
ma akana ongeaba nakon am Tua.
64Te UEA, a on aonnaba n am Atataiaomata;
Reireiai am Tua.
Kakawakin Ana Tua te UEA65Te UEA, Ko kakaraoa ae e raoiroi nako iu,
ngai ae am Toro, n ai aron am Taeka.
66Reireiai b'a N na wanawana ao N na rabakau,
B'a I kakoauai am Tua.
67I m'ain are Ko karawawataai, ao I aki toki ni bure;
Ma ngkai I ongeaba nakon am Tua.
68Ai raoiroira Ngkoe—Ko a akoi ra!
reireiai am Tua.
69A taekinai n te aro ni kewe akana kainikatonga,
Ma I ongeaba nakon am Tua ma nanou ni koaua.
70Akea aia atatai aomata aikai,
ma I kakukureiaki n am Tua.
71E manena nako iu karawawataau,
b'a I reireiaki iai n am Tua.
72E manena riki nako iu am Tua are Ko anga,
nakoni manenan te kaub'ai ae bati i aonnaba.
Te Kaetitaeka Ae Raoiroi N Ana Tua te UEA73Ko karikai, ao Ko kawakinai raoi;
kawanawanaai b'a I aonga n reireiai am Tua.
74A na kukurei akana karineko ngkana a norai,
i bukina b'a I onimakina am Taeka.
75Te UEA, a eti am Moti;
ao Ko aki kairua ngke Ko karawawataai.
76E na kabebeteai am Atataiaomata,
n ai aron am Taeka nako iu, ngai ae am Toro.
77Nanoangaai, ao N na maiu:
b'a bon au b'ai ni kukurei am Tua.
78Ke a mamaa akana kainikatonga, i bukina ngkai a bukinai n te aro ni kewe;
Ma ngai, N na iaiangoi am Tua.
79Ke a kawarai akana karineko,
b'a a aonga n reireiaki n am Taeka.
80E bia moan te kororaoi ongeabau nakon am Tua,
B'a I aonga n aki mamaa.
Te Tataro I Bukin Te Kamaiuaki81I a kua n tataningaiko b'a Ko na kamaiuai;
I mwiokoa am Taeka.
82A kua matau n taratara i bukini kan noran te baere Ko taku;
Ma ngaia are I a titiraki, Ko na buokai n ningai?
83I a riki b'a kanga ai aroni nen te wain ae e a mangaingai ae akea bonganana;
Ma I bon aki m'anuoki am Tua.
84Ai ti maanraa ngai, ae am toro n tataninga?
Ko na kareke kaiia akana b'ainikirinai n ningai?
85A keni kinono b'a a na kam'aneai iai akana kainikatonga,
akana aki ongeaba nakon am Tua.
86A bane n onimakinaki am Tua,
I b'ainikirinaki irouia taani kewe, buokai!
87I kuri kanga ni mate irouia,
ma I aki kaaki taekan am Tua.
88Kamaiuai n am Tangira ae akea tokina,
b'a I aonga n ongeaba nakon am Tua.
Te Onimaki N Ana Tua te UEA89Te UEA, e na teimatoa koauan am Taeka n aki toki;
e na teimatoa n aki toki i karawa.
90E teimatoa am Kakaonimaki nakon rooro ni bane;
Ko a tia ni kataua te aonnaba ma nena, ao e nene ni matoatoa iai.
91A tiku b'aai n aroia ni karokoa te bong aei i bukin am Taeka;
B'a a bane b'aai ni m'akuri i bukim.
92Ngke arona b'a e aki nako mwini kukureiu man am Tua,
Ao N na kaman tia ni mate i buakon rawaawatau.
93N na bon aki m'am'anuoki am Taeka,
b'a Ko anganai maiu iai.
94Bon am B'ai ngai-kamaiuai!
b'a I a tia ni kekeiaki n ongeaba nakon am Taeka.
95A karanai akana buakaka b'a a na kamateai,
Ma N na iaiangoi am Taeka.
96I a tia ni kakoaua b'a iai tokini b'aai nako;
Ma akea tokin am Tua.
Tangiran Ana Tua te UEA97Ai batiraa tangiran am Tua irou!
Au b'ai n iaiangoia n te bong koraki.
98A kawanawanaai riki am Tua nakoia taan ribaai:
b'a a memena irou n taai nako.
99I rabakau riki nakoia au tia reirei ni kabaneia,
i bukin ae I iaiangoi am Taeka.
100I atatai riki nakoia unim'aane,
i bukina ngkai I ongeaba nakon am Taeka.
101I aki karaoi m'akuri aika buakaka ni kabane,
ngkai I kan ongeaba nakon am Taeka.
102I a tia n ongeaba nakon am Taeka n reirei,
Ngkai bon au Tia Reirei Ngkoe.
103A karewerewe riki am Taeka
aia karewe manibeeru!
104E reke irou te wanawana n am Taeka,
Ma ngaia ae I ribaai aroaro aika buakaka ni kabane.
Te Ota man ana Tua te UEA105E riki am Taeka b'a kanga te
taura ni kaota kawaiu n nakonako.
106I a tia ni kab'aka au taeka,
ao N na kakoaua b'a N na tou
mwin am Babaire aika raraoi.
107I bati ni karawaawataaki:
te UEA, kamaiuai
n ai aron am Taeka.
108Te UEA, butim'aea au karea ae b'anaau ni katituaraoiko,
Ao reireiai am Tua.
109I tauraoi n taai nako ni bo ma kaangaanga ni maiu,
Ma I aki m'anuoka am Tua.
110A kataia ni kam'aneai akana buakaka n aia b'ai ni kam'am'ane,
Ma I a bon aki kitan am Taeka.
111A riki am Taeka b'a au b'ai n aki toki;
A kakukureia nanou.
112I a tia ni motika nanou b'a N na ongeaba nakon am Tua
ni karokoa mateu.
Reken Te Rau N Ana Tua te UEA113I ribaia akana aki bane nanoia ni kakaonimaki nakoim;
ma I tangira am Tua.
114Bon te tia kamanoai Ngkoe
ao otangau;
E wene au kaantaninga n am Taeka.
115Naako mairou, ngkami akana kam kakaraoa ae buakaka:
I a kataua te ira nanon ana tua Atuau.
116Anganai korakorau n ai aron am taeka, b'a I aonga ni maiu;
Tai kab'ara nanou man au kaantaninga!
117Kawakinai raoi man te kabuanib'ai,
ao N na mutiakin am Tua n aki toki.
118Ko ribaia akana kitan am Tua;
ao a aki bongana aia iango akana m'am'anaa te aba.
119Arom nakoia akana buakaka ni kabaneia kanga maange iroum;
Ma ngaia ae I tangiri am Taeka n reirei.
120I ruru b'a I makuko:
I maaku n am Moti.
Te Ongeaba nakon ana Tua te UEA121I a tia ni karaoa ae eti ao ae e raoiroi;
tai katukai nakoia akana karawawataai.
122Buokai ao kamanoai,
ngai ae am toro;
A na tai karawawataai
akana kainikatonga.
123A kai matau ni kan nora
kakoroan nanon am Taeka
i bukin rokon am Kamaiu.
124Kaota am Tangira i buku,
ngai ae am Toro;
Ao reireiai am Tua.
125Bon am Toro ngai, kawanawanaai:
b'a I aonga n atai nanon am Taeka.
126Karaoa ae ko taku, te UEA!
B'a a urua am Tua aomata.
127I tangiri riki am Tua nakon te koora,
ae te koora ae moan te raoiroi.
128Ma ngaia ae I tou mwin am Taeka ni kabane,
Ao I ribaai aaro ni kabane akana kairua.
Te Nano Ni Kan Ongeaba Nakon Ana Tua te UEA129A kamimii am Taeka;
I ongeaba nako iai ma nanou ni koaua.
130E karekea ootan nanoia akana bangab'ai am Taeka,
Ao e kawanawanaia naba.
131E rangi ni korakora
kainanoan am Tua irou.
132Tani mai, ao nanoangaai,
n ai aroarom nakoia akana
tangiriko.
133Kawakinai b'a N na aki b'aka,
n ai aron am Taeka;
Ao tai katokanikaia te buakaka
i aou.
134Ko na kamaiuai mani karawawatakiu
irouia aomata;
B'a I aonga n ongeaba nakon
am Taeka.
135Kakab'aiaai ni menam i rarikiu,
ao reireiai am Tua.
136A waanako rannimatau kanga ai aron raangan ranin te karaanga,
B'a a aki ongeaba aomata nakon am Tua.
E Aki Nanonano Ana Tua te UEA137Te UEA, Ko raoiroi,
ao a eti am Babaire.
138A koaua ao a onimakinaki
am tua ake Ko anga.
139I rangi n un,
ngkai a m'anuoki am Taeka aiau.
140Te oi ni b'ai ni koaua am Taeka;
I tangiria, ngai ae am Toro.
141I mangori ao I aki kubaraki:
ma I aki m'anuoki am Taeka.
142E teimatoa am Raoiroi n aki toki;
Ao e teimatoa koauan am Tua.
143E ituai te rawaawata ma te maraki,
ma I kakukureiaki n am Tua.
144A eti n aki toki am Taeka:
Buokai b'a N na oota iai, ao N na maiu.
Te Tataro I Bukin Te Kani Kainaomataaki145I weewete ma nanou ni koaua;
te UEA, ongo irou, Ao N na ongeaba nakon am Tua.
146I weweteiko;
kamaiuai, ao N na kawakin am Taeka.
147Ngke e tuai n oti taai
ao I weewete b'a Ko na buokai:
E mena au kaantaninga
n am Taeka.
148I aki matu n te bong i bukin
iaiangoan am Taeka.
149Te UEA, ongo b'anaau n ai aron am Atataiaomata;
Kamaiuai n am Moti aika eti.
150A kaaniai akana kaaea te buakaka;
ae aomata aika a raroa man am Tua.
151Te UEA, Ko kaan nako iu;
a onimakinaki am Tua ni kabane.
152I atai am Taeka ma ngkoa:
b'a Ko karaoi b'a a na teimatoa n aki toki.
Te Bubuti Te Kani Buokaki153Norai n rawaawatau, ao kamaiuai;
b'a I aki m'anuoka am Tua.
154Buokai n taetae i buku, ao kainaomataai;
Kamaiuai n ai aron am Taeka.
155A na aki kamaiuaki akana buakaka,
b'a a aki ongeaba nakon am Tua.
156Te UEA, e bati am Nanoanga;
kamaiuai n am Moti aika eti.
157A bati aiau ma akana b'ainikirinai,
ma I aki kitan am Taeka.
158I noriia taan rawa nakon am Tua, ao I ribaia;
B'a a aki taua am Taeka.
159Te UEA, nora aron tangiran am Taeka irou!
Kawakina maiu n ai aron am Atataiaomata.
160A bane ni koaua am Taeka;
ao akea tokin am Moti aika raraoi ni kabane.
Te Kakaonimaki Nakon Ana Tua Te Atua161A b'ainikirinai uea n akea bukina;
Ma ti am Taeka aika I rangi ni makui.
162I kim'areirei n am Taeka,
n ai aron temanna ae reke i rouna baika rangi ni kakawaki.
163I riba te kewekewe ao I aki kona n taraia;
Ma I tangira am Tua.
164Itiua kamoamoam irou n te bong ae koraki,
i bukin am Moti aika raraoi.
165A rau aroia akana tangira am Tua,
ao akea te kaangaanga ae a na b'akaraki iai.
166Te UEA, I kaantaninga kamaiuakiu iroum;
Ao I tou mwin am Tua.
167I ongeaba nakon am Taeka,
ao I bati n tangiri.
168I ongeaba nakon am Tua ma am Taeka:
Ko noori aroarou ni bane.
Te Tataro i bukin Ana Buobuoki te UEA169Te UEA, ongo au tataro:
Kawanawanaai n ai aron am Taeka.
170Ongora n au bubuti;
kamaiuai n ai aron am Taeka.
171N na aki toki ni katituaraoiko,
ngkai Ko reireiai am Tua.
172N na anene ni kaoti aron am Taeka,
b'a a bane n eti am Tua.
173Ko na tauraoi ni buokai,
i bukina ngkai I tou mwin am Taeka.
174Te UEA, I kainanoa am Kamaiu!
I kakukureiaki n am Tua.
175Kateimatoa maiu, b'a I aonga ni kamoamoako;
Ke a buokai am Taeka n reirei.
176I m'aninga nako n ai aron te tiibu ae bua;
Ukoukorai, ngai ae am Toro,
i bukina ngkai I aki m'anuoki am Tua.
Who We AreWhat We EelieveWhat We Do
2025 by iamachristian.org,Inc All rights reserved.
