Mareko 4 - Kiribati New Version Bible

Te Karaki ni Kabotau ae Taekan te Tia Ununiki(Mataio 13.1-9; Ruka 8.4-8)

1 ae te uaa ae moan te uarereke i buakon uaa nako aika unikaki;

32ma ngkana e unikaki, ao e rikirake b'a te kai ae ab'ab'aki riki nakoia aroka ni kabane ake ana karinan; ao e kariki m'aangana aika ab'ab'aki, ma ngaia are a roko mannikiba ni karaoi ngaoia iai i aan nuuna.”

Kamanenan Taeka ni Kabotau(Mataio 13.34-35)

33Ao E taekin ana koaua Iesu nakoia aomata n taeka ni kabotau aika bati, aika ai aron aikai; ao E reireia n ai aroni m'aitin are a kona n oota iai.

34E aki kona n taetae nako ia n aki kabonganai taeka ni kabotau; ma ngkana ti Ngaia ma ana reirei, ao E kamatatai nanoni b'aai ni kabane nako ia.

E Katoka Buakan te Nama Iesu(Mataio 8.23-27; Ruka 8.22-25)

35N te bong naba arei, ngke e a tairiki, ao E taku Iesu nakoia ana reirei, “Ti na nako n iteran te nama are teuana.”

36A kitaniia aomata aika m'aiti; ao a toka ana reirei i aon te booti are E a kamani mena iai Iesu, ao a kairia b'a raoia. Iai booti tabewa i rarikina.

37Ao e karina ni kare te ang ae korakora; ao naao a b'aroa nanon te booti n te aro are e a kani kebo n te ran.

38E mena Iesu i bukin te boti b'a E matu, ao atuna i aon te uninga. A kautia ana reirei, ao a taku, “Te Tia Reirei, Ko aki tabe i roura ngkai ti a kani mate?”

39E teirake Iesu mani matuuna, ao E takua te ang ma te nama, ni kangai, “Tai karongoa! Kainab'aabu!” E b'aka te ang, ao iai te raoi.

40Ao E taku nakoia ana reirei, “E aera ngkai kam maaku? Akea ami onimaki?”

41A rangi ni maaku, ao a i taetae i rouia ni kangai, “Antai Teuaei? B'a e ongo i Rouna te ang ma naao!”