Otea 14 - Kiribati New Version Bible

Okirikaaki Nakon Te UEA

1Iteraera, rairaki! Oki rikaaki

nakon te UEA, ae Atuam.

E a tia ni kab'akako te bure.

2Rairaki nakon te UEA ao kaangai,

“Taiaoka ni kab'arai ara bure.

Butim'aai ara karea aika a raoiroi

i bukin ara nebo n onea mwiin taian kaom'aane.

3E aki konaa ni kamaiura Aturia

ao a aki konaa ni buokiira taiani kaa ni buaka.

Ma ngaia are, ti riai n aki manga taromauri

bouannanti aika ti a tia ni karaoi.

Ara UEA, Ko a tia ni kaota te nanoanga

nakoia ataei aika akea aia karo.”

E Berita Te UEA

B'a E Na Kab'araa Ara Bure

4Iteraera, kam a tia ni katinanikuai,

ma e a toki uniu;

N na kamaiungkami man tangiringkami

n akea tiana.

5N na riki b'a kaanga te aoi

ao ane kam na kaurei ueemi kaanga taiani kiebu

ao a na riki wakaami b'a kaanga taian aroka.

6A na butinako m'aangam

ma tamaroan te

te kai ae te oriwa

ao boiararan

Buakonikain Reb'anon.

7Kam na motirawa i aan nuu,

ao a na rikirake ami uita.

E na ure ueem

kaanga te kai te kureebe

ao ko na riki n tanoata taekam kaanga te wain

mai Reb'anon.

8Iteraera, Katikui ami bouannanti nako!

N nang kaekaa ami tataro

ma n tararuaingkami.

Boni Ngai te aroka are e mimitong arei,

are oin ami kariki uaa,

9Ngkana kam wanawana, kam na ataa

nanon te b'ai ae I nanonna.

Bon te UEA Ngai, ao I kairingkami

n te kawai ae e eti.

Ti na kaai n nakonako

ngkana kam ongotaeka Irou,

ma e na toki waemi

ngkana kam buakaka.