1E na reke te koburake n ran, ike a na teboki iai aia bure ma aia kaairua ana kariki Tawita ao kaain Ierutarem.
2E taku te UEA ae Moan te M'aaka:
N na kamaunai ni kabane taian bouannanti mai aon te aba ngkana e roko te tai arei, ao e na m'aninga te aba taekaia n aki toki. N na bon kamaunaiia naba aia burabeti nako ma tamnei aika a kam'araa akana a tautaekaniia.
3Ngkana arona b'a a manga kaoti burabeti aikai, a na kauringaki irouia aia karo b'a a na mate i bukin tataekinan taiani kewe n arau-aran te UEA. Ma ngkana a aki katoka aia taeka burabeti aikai, ao a na riai n tiringaki irouia aia karo n te kabaang.
4A na mamaa burabeti aikai ni mii ake a atong b'a taian kaotioti, ao a na aki keweia aomata ni kunnikaiia kaanga te burabeti ni koaua.
5Ma a nang taetae ni kaangai, “Bon tiaki te burabeti ngai. Bon te tia ununiki ngkoa ngai man taai aika a nako ni karokoa ngkai.”
6Ao ngkana iai mai buakoia ae e titiraki b'a e aera ngkai a ikoaki, ao a na kaeka ni kaangai, “E riki ngkoa n aia auti raoraora ake tabeman.”
Tiibu Ake A Ikoaki Ao Tiibu Ake A Maate Nako7E taku te UEA ae Moan te M'aaka:
Uti, Au kabaang! Buakana
au tia kaawakin tiibu ao raoraou.
Orea te tia kaawakin tiibu ni kab'akaa!
Kamaaenakoia tiibu aika uarereke,
ao N na uruaniia.
8A na mate man te aba uoua te katenim'akoro,
ao a na maiu te katenim'akoro.
9Ao i mwiina, N na kaitiakia
ma ni karaoia b'a a na kataaki,
kaanga te koora ma te tirewa
ngkana a kaitiakaki ma n tuoaki.
Ane a na tataro n arau,
ao N na kaekaia.
N na kaangai, “Au aomata ngkami,”
ao a na kaeka ni kaangai,
“Bon te UEA Ngkoe ae Atuara!”
Who We AreWhat We EelieveWhat We Do
2025 by iamachristian.org,Inc All rights reserved.
