1Te Atua, I kamoamoako;
tai tiku ni kainab'aabu!
2A eekainako akana buakaka ma akana m'am'anaa te aba.
A kewe n aia taeka i buku,
3Ao a taetae ni kaota ribakiu i rouia
akea bukin uniia irou.
4A kabuakakaai, e boni ngae ngke
I tangiriia ao I tatataro i bukiia.
5I karaoi baika raraoi i bukiia,
ma a kaboa nako iu ni baika bubuaka;
I tangiriia, ma a ribaai.
6A taku au kairiribai
“Rinea te aomata ae moti buaka b'a e
na motika taekan aiau n te kabowi,
7E bia reke n te bure ngkana e kabowiaki!
e bia atongaki naba ana tataro b'a a bure!
8E bia waekoa n toki maiuna;
e bia tauaki ana m'akuri
iroun temanna!
9A bia riki natina n aroia ataei aika akea tamaia,
ao buuna b'a te aine ae e a tia ni mate buuna!
10A bia riki natina n aroia aomata aika aiwaa ni bububuti kanaia;
ao ni maeka n auti aika aki tamaroa te tabo ae a urebekebeke autina!
11A bia anaaki ana b'ai ni kabane iroun ane iai baena i rouna;
Ao a bia anaaki uaan ana m'akuri irouia iruwa.
12Ai bia akea te aomata ae na ataataiaomata nakoina
ke n nanoangaia natina
aika tiku i mwina.
13A bia bane ni mate ana kariki,
ao e bia aki uringaki taekana
n te roro ae na roko.
14E bia aki kona te UEA ni m'anuokin
taekan aia bure ana bakatibu,
ke temanna irouia ana utu
15A bia aki kona ni bua
taekan aia bure iroun te UEA,
B'a E aonga ni kamaunai taekaia
mai aon te aba.
16Akea iroun te aomata anne iangoani kani karaoan te m'akuri n ataataiaomata:
E b'ainikiriniia ma ni kamateia akana akea aia b'ai,
ma akana a kai nanoia, ma akana a b'ara nanoia.
17“E karereantia te koraki.
E bia reke kaina!
E rarawa n taetae ni kakab'aiaia aomata.
E bon karika te kabuanib'ai i bukin kakab'aiana!
18Tii te karereanti rakeana,
ae kanga ai aron ononeana ni kunnikaina;
A bia rin nako ana karereanti i nanon rab'atana
n ai aron te ran ae e moi iai,
ao a roro nako n ai aron te b'a nakon riira!
19E bia rabunaki n ana karereanti
n ai aron ae e rabunaki n te kunnikai,
ao n niroaaki nuukana iai b'a kanga ai aron te kabaeana ni katoa bong.
20Te UEA, kareke kaiia aiau n te aro anne
ake te koraki ake a atong taeka
aika ribuaka i buku!
21Ma Ngkoe, ae te UEA ae te Uea,
buokai ngkai bon anne arom,
Ao kamaiuai i bukin raoiroin am Tangira.
22Akea au b'ai ao e kai nanou;
e korakai nanou.
23I a kaan mauna nako
n ai aron te nu ngkana e a kan tairiki;
I ukaki nako
n ai aron te keeketi.
24A mamara bubuani waeu i bukin te aki am'arake;
Moan te bakitaia rab'atau.
25Ngkana a norai au kairiribai,
ao a taekin taeka aika buakaka
a katoutou atuia ni kaenaena.
26Te Uea ae Atuau, buokai;
Nakomai kamaiuai
i bukin n ai aron am Atataiaomata!
27Kaotia nakoia aiau b'a a aonga n ataia ae
Ngkoe ae Ko kamaiuai.
28Aia b'ai te karereanti,
ma am b'ai te kakab'aia.
A bia konaaki aoia aiau,
ngkana ana ewekai
ao ngai ae am Toro,
I bia kukurei!
29A bia taonaki aiau n te b'ainrang ae bati!
e bia riki mamaaia b'a kanga
ai aron te kunnikai ae a na b'ainiia iai.
30N na kanenea b'anaau n nebonebo
ni katituaraoiko te UEA;
n aia tai ni bootaki aomata,
31Ko buokiia aika kai nanoia,
ao ko kamaiua mairouia akana motika taekana b'a e na kamateaki.
Who We AreWhat We EelieveWhat We Do
2025 by iamachristian.org,Inc All rights reserved.
