I-Korote Taekan te Reta aei - Kiribati New Version Bible

Taekan te Reta aeiE koreaki te reta aei nakon te ekaretia ae aki kateaki irouni B'auro, ma e mena n te tabo ae e iangoia B'auro b'a e mena i aan ana m'akuri ni mitinare. Korote bon te kawa ae mena i mainikun Ebeto. E ataia B'auro b'a iai taan reirei ni kewe aika kamangao n te ekaretia i Korote, ake a taku b'a reken te maiu ae tab'anin iroun te aomata bon ti ngkana e taromaurii naba baika iai m'akaia. A reireia naba aomata b'a a riai ni kamatoa tuan te korotabonimm'aane ma tuua aika kaeti ma am'arake ao b'aai riki tabeua.E korea te reta aei B'auro n ekinako aeka n reirei aikai, ao e katereterea raoi te koaua ni Kristian are riai n tauaki. Te koaua are e karawawata, e kangai: Iesu Kristo bon ti Ngaia ae kona n angan te aomata te kamaiuaki ae tab'anin; ao baike a reireiaki iai aomata irouia taan reirei ni kewe aikai a riki b'a baika a na kararoaaki riki iai aomata mairouni Kristo. E karika aonnaba ma karawa te Atua iroun Iesu Kristo, ao E na manga kaokiia nako Ina iroun naba Iesu. Ti te reitaki ma Kristo ae na kona iai n reke te kamaiuaki nakon te aonnaba; ao e a katereterea ngkanne B'auro aron te kamaiu aei n reitaki ma maiuia taan onimaki.E riai n ataaki b'a Tukiko, are ngaia ae uota ana reta B'auro aei, e a raonaki iroun Onetimo, are te toro are e koroboki B'auro i bukina nakoni Biremon.Oi n iango i aon te boki aeiTaeka ni Kamauri 1.1,2

Te Tataro ni Katituaraoi 1.3-8

Aroni Kristo ao Ana M'akuri 1.9—2.19

Te Maiu n Reitaki ae Boou ma Kristo 2.20—4.6

Kabanea n Taeka ni Kamauri 4.7-18