1Te Atua, Ko na nanoangaai,
b'a a eekainako aiau:
A aki toki ni b'ainikirinai.
2Akea tokiia n eekainako.
A bati aika buakanai.
3Ngkana I maaku, Atuau,
ao N na onimakiniko.
4I onimakina te Atua ao akea te b'ai ae N na makua iai;
I kamoamoaa i bukin ana taeka.
Tera ae e kona ni karaoia te aomata nako iu?
5A kariki kaangaanga nako iu aiau ni kabongnga;
A aki toki ni kakaei aaro aika N na kabuanib'ai iai!
6A bootaki ni karabaia,
Ao a taratarai nako baika I karaoi,
ma nanoia ni kani kamateai.
7Te Atua, kareke kaia i bukin iowawaia;
Kataenikaiia n unim!
8Ko ataa arou n aki rau;
Ko kawakin taekan mwin m'aitin rannimatau
tiaki a koreaki taekaia n am Boki?
9N te bong ae I weteiko iai,
ao a na oki nako taan ribaai.
N rikin aio ao I ataia iai
b'a te tia buokai te Atua,
10ae te UEA ae I kamoamoa ana taeka!
11I onimakinna ao akea te b'ai ae N na maaku iai.
Tera ae e kona te aomata ni karaoia nako iu?
12Te Atua, I bae n au taeka ni bau nakoim:
N na anganiko au katituaraoi b'a au karea,
13i bukina b'a Ko a tia ni kamaiuai man te mate,
Ao Ko kawakinai b'a N na aki b'aka.
B'a I aonga nakonako i matam te Atua
ao n ira te oota are nako n te maiu.
Who We AreWhat We EelieveWhat We Do
2025 by iamachristian.org,Inc All rights reserved.
