Taniera Taekan te Boki aei - Kiribati New Version Bible

Taekan te Boki aeiE uotaki nako b'a te taenikai Taniera ngke te ataeinim'aane ae e uarereke ngaia nako B'aburon ngke e tauaki Ierutarem irouia ana taanga ni buaka B'aburon. Moan m'akoron te boki aei (1—6) e taekinaki iai arona ngke e karikirakeaki ma raoraona aika I-Iutaia aika teniman nakon te nakoa ni mataniwi n te tautaeka ni B'aburon. A teimatoa ni kakaonimaki nakon te UEA, e ngae ngkana tao a na tiringaki. Kauouan m'akoron te boki aei, e kainaki n rongorongon Taniera ngke e m'akuri n te tautaeka n Meto-Botia ngke e a tia n tauaki iroun B'aburon.Ni kauouan m'akorona (7—12) e taekin iai tabeua taian kaotioti ake a reke i rouna ma nanon taian kaotioti aikai n aron are e kab'arab'arai te anera nakoina.E kaotaki n te boki aei b'a bon te Atua ae E taui aron b'aai aika a riki nakon te aomata. E kairi taian tautaeka ni karikiia b'a tautaeka aika a korakora, ao tabeua te tai i mwiina, E a manga kamaunai taian tautaeka tabeua. E bon tararuaia naba aomata nako n tatabemaniia te Atua akana a kakaonimaki nakoina, ao n te bong teuana e na karokoa te motikitaeka ae eti nakon te aonnaba ma ni karekea te tokanikai nakoia ana Aomata. Aikai ana taeka Taniera ngke e taekin ana bong n tokanikai aika a na roko:I noora te b'ai ae kaanganatin te aomataae e roko i aon nangin karawa,ao e uotaki ni kaotakinakon te Atua ae akea tokina.E katokaaki ana baunueaao e anganaki te m'aaka ao te mimitong,b'a a aonga aomata nakoman botannaomata nako ma reeti nakoni m'akuri i rouna.E na tautaeka n aki toki,ao akea tokin abanueana,ao e na aki konaa ni kamaunaaki.(7.13,14)Oi n iango i aon te boki aei1. Taniera ma raoraona ake teniman 1.1-21

2. Miin te Uea are Nebukaneta 2.1-49

3. Kamaiuaia Tiateraka, Metiaka, ao Abeteneko iroun te Atua 3.1-30

4. Maunan abanuean Nebukaneta i nanon itiua te ririki 4.1-37

5. Beretiata ma te koroboki i aon te oo 5.1-31

6. Kamaiuan Taniera Iroun te Atua man nneia raian 6.1-28

7. Te kaotioti nakon Taniera ae taian man ni kaakang aika a korakora 7.1-28

8. Te kaotioti nakon Taniera ae te b'ai n urub'ai ao te kooti 8.1-27

9. Ana tataro Taniera i bukiia aomata 9.1-27

10. Te kaotioti nakon Taniera i rarikin te Karaanga are Taikiriti 10.1—12.13