Etita 2 - Kiribati New Version Bible

Rikin Nei Etita b'a te Ueanaine.

1Ao i mwiin tabeua te tai ngke e a toki unin te uea, ao e bon tabe naba ni iangoa te b'ai are e a tia ni karaoia Nei Watiti, ma ana katanoata i bukin kabuakakaan Nei Watiti.

2Ao a taku tabeman ana taan iango ake a mena i rarikina, E aera ngkai ko a aki kakaeia tabeman ataeinaine aika botonaine?

3Ko kona n rineia taian aobitia i nanon abam b'a a na kairiia ataeinaine aika a botonaine nakoni nneia buum ikai, n te kaawa ae Tutian, ae atuun kaawan am tautaeka. Angan Ekai are te iunaki are e kakawakiniia aine, b'a e na kawakinia, ao tuua b'a a na tararuaaki raoi.

4Ao i mwiina, ko anaa te ataeinaine ae ko tangiria riki mai buakoia, ao karikia b'a te unaine n onea mwiin Nei Watiti.

5Ao iai te I-Iutaia ae arana Moretekai ae natin Iaira, ae kaain te baronga are Beniamin, ae e riki mairoun Kiti ao Timei.

6Ngke e anaa uean Iuta uean B'aburon are Nebukaneta, are Ieoiakin mai Ierutarem nakon te kataenikaiaki, ao bon raoia naba taenikai teuare Moretekai.

7Ao bon iai naba ai natin Moretekai ae Nei Etita ae arana n Ebera bon Nei Atata; bon te ataeinaine ngaia ae e tikiraoi, ma rab'atana ae akea waewaeana. Ngke a mate ana koraki neierei, ao e anaia Moretekai n tabekia ma ni kaikawaia b'a natina te aine.

8Ngke e katanoata te b'ai arei te uea, ao a bane ni uotaki ataeinaine aika a m'aiti nako Tutian, ao bon Etita bon naba temanna i buakoia. E boni katukaki naba n tararuaaki iroun Ekai, are te tia tararua aia auti buun te uea.

9Ao e tatangiraki riki Nei Atita iroun Ekai. Ma ngaia are, e aki manga anga ana tai ma e a waakina naba kakatamaroan te aine arei, ma n anganganna te am'arake ae e okoro. E anganna ana tabo ae e rangi n tamaroa n te tabo arei, are nneia buun te uea, ao e rinei itiman ainen te bareti b'a buokana.

10Ao n te tai aei, ao e tuangaki Nei Etita iroun Moretekai b'a e na aki kakaotia ae te I-Iutaia ngaia.

11Ao e katoa bong n nanakonako Moretekai i matan m'aneaban nneia buun te uea, b'a e aonga n ataa aron Nei Etita b'a tera ae e riki nakoina.

12E nakon teuana te ririki aroni katamaroaan te aine, onoua nam'akainan kabirakina n te b'a are te muura, ao te b'a are te baretam. Ao i mwiin anne, ao a manga uotaki aine nakon te uea are Keatiti, temanna i mwiin temanna.

13Ngkana e nako te aine temanna man aia auti buun te uea nakon te bareti, ao e kona ni katokai i aona b'aai ake e tangiri.

14E na nakon ana bareti te uea n te tairiki, ao n te ingabong are imwina, e na manga kairaki nakon nneia buun te uea are teuana, ao e na manga mena i aan ana tararua Tiaatikati, are ana iunaki te uea are e tararuaia buun te uea ni kewe. E na bon aki manga nakon te uea ni karokoa e tangiria te uea, ma n atonga arana b'a e na kawaekoaki.

15Ao akea b'a e a roko ana tai ni kawara te uea Nei Etita, natin Abiaira te aine, Abiaira are tarin taman Moretekai. Moretekai are e tabekia b'a natina te aine. E rangi ni mataiakinaki neiere Nei Etita irouia aomata. Ao ngke e a roko ana tai ni kawara te uea, ao e ti katokaa i aona te b'ai are e a tuangnga Ekai b'a e na katokaa i aona. Ekai bon te iunaki are e tararua te auti are a mena iai buun te uea.

16Ma ngaia are, i nanon ana kaitiua n ririki n uea te uea are Keatiti, n te katebwina n nam'akaina are Tebeta, ao e a uotaki Nei Etita nakon ana bareti te uea are Keatiti.

17Ao e tangiria riki te uea nakoia aine ake tabeman, ao e b'aka iroun Nei Etita, ao e anaaki nanona i rouna nakoia aine ake tabeman. Ma ngaia are, e a katokaa te baunuea i aon atuna, ma ni karikia b'a te ueanaine n onea mwiin Nei Watiti.

18Ao te uea e karaoa te baka n am'arake ae e ab'ab'aki i bukin karinean Nei Etita, ao e kaoiia ni kabane ana aobitia ma ana taani kairiiri. Ao e anga te motirawa ae e ab'ab'aki nakon ana tautaeka ni kabane, ao e kakerikaaka te angab'ai n rab'ata i nanon ana tautaeka ni kabutaa.

19Ao i mwiin tabeua te tai, ao e a rineaki Moretekai iroun te uea b'a mataniwiin te bareti temanna.

20Ao neiere Nei Etita, e bon tuai man kakaotia ae te I-Iutaia ngaia. E a tia n tuangnga Moretekai b'a e na aki kakaotia nakon temanna ma temanna, ao e ongotaeka Nei Etita nakon anne, n ai arona n ongongotaeka iroun Moretekai ngke e kaawakinna ngkoa i nanon uarerekena.

21Ao n te tai are e reke iai ana m'akuri Moretekai n te bareti, ao a riki iai Biketan ma Tereti ake taian iunaki, ake a tararua mataroan ana ru te uea b'a ana kairiribai te uea are Keatiti, ao a tabe ni iaiangoa tiringana.

22Ao e karekea te rongorongo arei Moretekai, ao e tuanga te ueanaine are Nei Etita, ao e a manga tuanga te uea neierei te rongorongo are e reke mairoun Moretekai.

23Ao e karaoaki te kakaae, ao e kuneaki b'a ngaia e boni koaua te rongorongo arei. Ma ngaia are, a kaai ni kabaeaki roroaia m'aane aikekei n te kainikabaeroroa. Ao e tua te uea b'a e na koreaki taekan te b'ai ae e riki aei ni bokin te tautaeka.