1Ao e kananako wetean Batura are natin Marekia ao te ibonga are arana Teb'ania are natin Maateia te mm'aane te Uea are Tetekia. are uean Iuta. Ao i mwiina, e tuangai b'a N na tuangiia ni kaangai, “Ko na taetae ma Ieremia i buku.”
Ma ngaia are a roko irou ao a taku,
2“E a tia uean B'aburon are Nebukaneta i B'aburon ao ni buakana Iuta. I butiiko b'a ko na butiia te UEA b'a e na karaoa te kakai i bukiia ara aomata, n aron are e karaoia naba ngkoa rimoa, b'a e aonga n nako ni kiitaniira Nebukaneta.”
3Ao I tuangiia are E tuangai te UEA ae Atuan Iteraera b'a N na taetae nakon te Uea are Tetekia:
4A katobibiia Ierutarem kaain B'aburon ao a tangiria n tiringko ma am aomata. Ko butiai b'a N na kamaiuko, ma ko a tia ni kaunai.
5Ma ngaia are, N na arora baiu ae e korakora ni buakaniko ni bon ti Ngai. A kamanenai taian kainiwai ao kabaang am taani buaka ni buakaniia kaain B'aburon, ma N na karaoa ami b'ainibuaka b'a a na manga bon buakaningkami.
6N na kanakoa te aoraki ae moan te kakamaaku ma e na tiringiia aomata aika a m'aiti ao maan nako i Ierutarem, ao e na akea te b'ai teuana ae e na tiku ae e na konaa ni kanaki.
7Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.
8Ao i mwiina, I tuangiia te b'ai are E taekinna te UEA:
Kaain Ierutarem, boni Ngai ae te UEA ae I anganingkami b'a kam na rinea are kam tangiria b'a te maiu ke te mate.
9A tia kaain B'aburon ni katobibia Ierutarem, ma ngaia are, ngkana kam kani maiu ao kam na otinako nako ia n taenikai irouia. Ma ngkana kam tangiria ni mate n te baki, ke te aoraki, ke te buaka, ao kam na tiku ikai i nanon te kaawa.
10I a tia n baaireia b'a N na aki kamaiuia Ierutarem. Ma N na kariaia uean B'aburon b'a e na kabuokia ni kamannangnga. Bon aio au taeka Ngai ae te UEA.
Ana Kauring Te UEA Nakoia Uean Iuta11Kam na kakauongo raoi, ngkami aika kaain
te utu n uea.
12Kam riai ni kakoaua raoi b'a kam karaoa te motikitaeka ae eti ni katoa te bong ae e boou,
ma ni kamaiuia akana
a tia ni kimoaaki.
b'a i mwiina ao e na rikirake uran unu
kaanga te ai ae e aki konaa n tiringaki.
13Ierutarem,
ko taratara nako mai aon tabukin te maunga
n taraa aon taian m'arua
ao ko taku b'a ko mano.
Ma I un Ngai ae te UEA,
14ao N na katuaaeko
n aron ae ko riai n anganaki.
N na kauraa am bareti
ao a na bane n urarake b'aai nako
akana i rarikim.
Who We AreWhat We EelieveWhat We Do
2025 by iamachristian.org,Inc All rights reserved.
