1A manga bwenauaaki ana kariki Aaron nakon taiani m'akoro ni m'akuri. Bon aman natin Aaron m'aane: Nataba, Abiu, Ereata, ao Itama.
2Ma a kaman mate Nataba ma Abiu i m'aain maten tamaia, ao akea natiia m'aane. Ao bon anne bukina are a m'akuri iai Ereata ma Itama b'a ibonga.
3Ao Tawita e bwenauaia ana kariki Aaron nakon taiani m'akoro, ni kaineti ma tib'angaia. Ao a buoka Tawita Tatoka, are ana kariki Ereata temanna, ao Aimereka are ana kariki Itama temanna.
4A bwenauaaki ana kariki Ereata nakon tebwi ma onoua te m'akoro, ao Itama a bwenauaaki ana kariki nakon wanua te m'akoro, i bukina b'a a m'aiti riki ana taani kairiiri n te utu ana utu Ereata.
5I bukina ngke iai taian mataniwi n te Tembora ao ibonga n taian utu aika uoua aikai, ao e a titirakina te UEA Tawita te b'ai ae e na karaoia are e na tib'aaki raoi te m'akuri i marenaia.
6Ao ngke a anganaki m'akoro nako tabeia, ao Temaia are natin Netanera te m'aane are kanoan Rewi e koroi araia taani kairiiri ake taan tararuaia taiani m'akoro akanne. Ao taani kakoaua bon Tawita ma ana mataniwi, ao ai uana naba ma Tatoka te ibonga, Aimereka are natin Abiata te m'aane, ao taani kairiiri man aia utu ao aia kaainga ibonga ao kanoan Rewi.
7Taiani kurubu nako ni ibonga a bon tannako araia ma aia tia kairiri n aia utu, ao n anganaki tib'angaia n aron aikai:
8Ieoiariba, Ietaia, Arim
9Teorim, Marekia, Miiamin,
10Akoti, Abiia
11Ietua, Tekania
12Eriatiba, Iakim
13Uba, Ietebeaba,
14Bireka, Immera
15Etira, Abiteti,
16Betaia, Ieetikera,
17Iakin, Kamura,
18Teraia ao Maatia.
19A anganaki tabeia m'aane aikai n te Tembora, n aron are e a tia ni mwiokoa iai aia bakatibu are Aaron te UEA ae Atuan Iteraera.
Anganakiia Nikiraia Kanoan Rewi Tabeia20Aikai araia ana kariki Rewi ake te korakina:
Amram bon aia bakatibu Tebuera ao Ieteia.
21Reabia bon aia bakatibu Itiia, are te karimoa n ana utu.
22Itira bon taman Teromota ao tibun Iaata te unim'aane.
23Bon iai natin Eberon aika aman m'aane aika a bungiaki n aron aei man te karimoa nakon te karimwi: Ieria, Amaria, Iatiera, ao Iekameam.
24Utiera bon taman Mika ao tibun Tiamira te unim'aane.
25Itiia are tarin Mika, bon taman Tekaria.
26Merari bon tamaia Mari, Muti, ao Iaatia.
27Bon iai natin Iaatia aika teniman m'aane: Toam, Takuura, ao Iberi.
28Mari bon tamaia Ereata ao Kiti.
29Bon akea natin Ereata m'aane, ma Kiti bon taman Ierameera.
30Bon iai natin Muti aika teniman m'aane: Mari, Etera, ao Ierimota.
Bon aikanne ana kariki Rewi ni kaineti ma aia kaainga.
31A bon bane n anganaki tabeia n aron naba anganakiia aia koraki ake taian ibonga tabeia. Ao taani kakoaua bon Tawita, Tatoka, Abimereka, ao mataniwiin aia utu ibonga ao kanoan Rewi.
Who We AreWhat We EelieveWhat We Do
2025 by iamachristian.org,Inc All rights reserved.
