1Ngkana ko teimatoa ni bonotaninga
ngkana ko a tia n anganaki taiani kauring,
ao ane ko na kubanako ni kunea
b'a ngaia ko a tia n rangi n raroa nako.
2Ngkana e tautaekana te botannaomata te eti,
ao a na bane ni kukurei aomata;
ao ngkana e tautaeka te kairua,
ao a na bane ni kungkung aomata.
3Ngkana ko tangira te wanawana
ao a na kukurei am karo,
ma kaakawaraia aine aika a buakaka
e na kabuai am b'ai ni kabane.
4E kakorakoraa te botannaomata
te tia tautaeka ae e raoiroi;
te tia tautaeka ae e butim'aai taiani baabakanikawai
e boni karokoa te kangaanga.
5Bon akea manenan kamoamoaan temanna
b'a kaanga ai aron kawenean te b'ainikam'ane.
6A na manga bon raweiko am bure,
ma akana a maiuakina te raoiroi
a na anene mani bootaki ni kukurei.
7E aki tabe te aomata ae e buakaka
ni inaomataia aomata aika a maiu ni kainano,
ma aomata aika a raoiroi a tabe iai.
8Kakanikoaia tem'angina boni kaanga te kia
are e kaura te kaawa ae e buubura;
kabonganaan te iangoraoi e konaa ni kanakoa
uran te maraki n nano.
9Ko riai ni wanawana n aki katea te nanobaba i bukin te b'ai teuana.
E na bon aki konaa n reke raun nanom,
i bukina b'a te b'ai ae a na ti karaoia nanobaba
a na tii kakanikoko ma n takaarua.
10E riiribaia aomata aika a raoiroi
aika a maiuakina te eti
te tia tiritiri.
11Tai riki b'a te nanobaba
ni kakai un
kamanenaa am iango raoi n taotaona nanom.
12E a tia ni uruia aroia ana mataniwi
te tia tautaeka ae e ongongo n taiani kewe.
13A riai aika a maiu ni kainano ma ake a karawaawataia ni kabane
ni mwiokoa te Atua i bukin te oota
n tatabemaniia nako.
14A na tautaeka n aki toki
uea aika a karaoa ae e riai nakoia aika a maiu ni kainano.
15Kaetiia am ataei,
ao ane a na wanawana;
ataei aika a aki konaa ni kairaki
a bon kamamaaia tinaia.
16E rikirake te bure
ngkana e tautaeka te aomata ae buakaka
ma ane a na nooraki b'akaia
irouia kaain te aba aika a kakaawakina te tua.
17Ane a na anganiko te rau
ma te kukurei natim
ngkana ko kaetiia.
18Ngkana akea ana kairiiri te Atua
ao ane a na mauna nako tua ma kaetieti,
ma e kakab'aiaia aomata nako
aika a ongotaeka n ana tua.
19E ngae ngkana a wanawana taani m'akuri,
ma e na bon m'aiti naba te taeka
i bukin kaongotaekakiia.
20E m'aiti riki te kaantaninga iroun te nanobaba
nakon te aomata ae e taetae
ma te aki iango.
21Ngkana kam angan
ami toro b'aai ni kabane ake e tangiria
ao a na kananokawakiko n te bong teuana.
22E na karikirakea te ngurengure
ao ni kariki buure aika a bati
te aomata ae e nanorieta.
23E uota te kamamaaeaki te kainikatonga ae e bati;
e karekea te neboaki te nanorinano.
24Ngkana ko kariniko n te bure teuana
ao ko a riki b'a te kairiribai ae e rangi ni buakaka,
i bukina b'a ko aki konaa n taekina te kewe
ngkana ko a tia ni berita.
25Ko na tai b'aka nako nanon te b'ai ni kam'ane
i bukin kibiubium
onimakina te UEA,
ao ko na maiu.
26A m'aiti ake a kataia ni iraorao
ma taan tautaeka,
ma e roko te eti
mairoun te UEA.
27A kairiribai i marenaia
aomata aika a raoiroi ma aomata aika taani bure.
Who We AreWhat We EelieveWhat We Do
2025 by iamachristian.org,Inc All rights reserved.
