Ana Anene Toromon 4 - Kiribati New Version Bible

Te Tia Iein Te Aine Ae E BotonaineE taku Teuarei:

1Raou ae e tangiraki, ko rangi ni kantangiraki irou,

i aon te taatangiraki

ngkana I taratara mai aan rabunan matam,

ao ti te bo matam ma matan te taobe.

A tiotio iran atuum

kaanga kakateken taiani kooti

aika a roko mai Kireata.

2A mainaina riki wiim

nakon te tiibu ae e a tib'a tia n tebokaki;

a tab'anin raoi

akea teuana ae e waraa.

3Riam kaanga taiani karai aika a toka urauraia,

e tei raoi wiim;

ao a raba i aan rabunan matam

tabam aika tamaroan taian rooti.

4E rangi ni kakateke riki roroam

nakon ana taua Tawita,

ae e unekenekeaki n aia otanga

tautia aika ngaa.

5A rangi n tamaroa mmamam;

kaanga taian ria aika a bwebwee

aika a am'arake i buakon taiani kiebu.

6N na ienikuriai nakon taian tabuki aikai

aika a bururuaki aoia n te boiarara

ao N na tiku ikekei ni karokoa otin taai.

7Raou ae e tangiraki, ko rangi ni kantangiraki

n arom ni kabane.

8Au kainrou, Ti na

kaai ni kiitana Reb'anon!

ti na kaangai ti a boo

nakon te Maunga are Amana,

Tenira, ao Oman,

ike a mamaeka iai raian ma reeb'ari

i nanon taian nangananga ni b'a.

9Au kainrou, ae bon ti au b'ai,

ko a tia n iraea nanou!

N ti teuana iraean taarau iroum,

ao raitiitin m'aen roroam,

ko a tia n iraea nanou.

10E karewerewe riki am tangira nakon te wain;

E boiarara riki kabiram

nakon taiani b'ai ni kaboiarara.

11Riam kaanga ngaon te manibeeru are iai ana karewe;

e raanga nako te miriki ma ana karewe te manibeeru

man newem.

E boiarara kunnikaim ni boiararan

te kai te tiira mai Reb'anon.

12Au kainrou, ae bon ti au b'ai,

bon te nnenaroka ngkoe,

te koburake n ran

ae e kainaki nakoia tem'angina.

13Bon taian kureebe anganibaim

ae e onrake ni uaana aika kangkang

ao aekaki ni boiarara nako

aika enna, naaro,

14taberon,

karemati, tinnamon,

riibano, muura, ao te aroe

b'ai ni kaboiarara aika a rangi n tamaroa.

15Bon te koburake n ran ngkoe i nanon te nnenaroka,

te koburake n ran ae e buubura ae e itiaki,

ao te raanga n ran ae e kamarurung

man Maungan Reb'anon.

E taku Neierei:

16Ke e wai te ang meang,

ao te ang maiaki naba!

Ke a kakianakoa boiararan

au nnenaroka,

b'a e aonga n rin

teuae I tangiria

ma ni katoong

uaana aika a kangkang.