Taian Areru 43 - Kiribati New Version Bible

Te Tataro n tain te kanganga(Areru 42)

1Te Atua, Ko na kaota ae I eti,

Tei i buku ni kaitarai bukinau

irouia aomata aika akea karineam irouia;

Kamaiuai mairouia aomata aika

m'am'anaa te aba, aika babakanikawai.

2Boni Ngkoe te tia kamanoai;

Ko aera ngkai Ko kitanai?

I aera ngkai N na teimatoa n rawaawata

ni b'ainikirinau iroun te tia ribaai?

3Ko na kanakoa am Oota ma am Koaua.

A na kairai,

nakon am Tembora,

are mena n am maunga are tabu.

4Ao N na nako n am baonikarea, te Atua:

Boni Ngkoe ae nako mairoum kukureiu.

N na katanga au b'ai ni katangtang

n neboiko, te Atua, ae Atuau.

5E aera ngkae e rawaawata nanou?

E aera ngkai I aki rau?

N na kaantaninga te Atua,

ao N na manga neboia,

b'a bon au tia kamaiu ao Atuau.