1Katituaraoa te UEA, ao taromauria;
Tuangiia botannaomata baika E a tia ni karaoi.
2Anene nakoina, anenea karaoiroana:
Taekini baika kamimii ake E a tia ni karaoi.
3Kam na kakatonga i bukin arana ae tabu;
Ke a kim'areirei nanoia
ake a taromauria te UEA.
4Kam na nako n te UEA b'a E m'aaka;
Tai toki n taromauria.
5Kam na uring ana m'akuri ake a
kamimii ake E karaoi,
Ana kakai ma ana moti ake a tia,
6Ngkami akana ana kariki
Aberaam are ana toro,
Akana kanoan Iakob'a,
akana kam rineaki i rouna.
7Bon Atuara te UEA,
ao e rooti taabo nako ana kaetitaeka.
8E aki toki n uringa ana boraraoi,
E na bon aki kona ni m'aninga ana taeka nakoimi i nanon rooro ma rooro;
9Are ana boraraoi are E karaoia ma Aberaam,
Ao ana taeka n akoi nakon Itaaka,
10Are E kamatoa nakon Iakob'a b'a te tua,
b'a te boraraoi ae akea tokina:
11Ngke e kaangai, “N na anganiko te aba are Kanaan,
b'a tib'angami ae kam na abanna.”
12Ti tabeman ngaiia,
ngke a mena i Kanaan, ao a iruwa i aona.
13A m'am'ananga man te botannaomata teuana nakon teuana,
Ao man te aba teuana nakon teuana.
14E tuki b'ainikirinakiia irouia aomata;
Ao E boaiia uea i bukiia,
15Ao E kaangai,
Tai riingia au aomata aika rineaki,
aika au burabeti, ao tai tabareia.
16E karokoa te rongo i aon te aba te UEA,
ni karokoa bon akea te am'arake.
17Ma E a kamani kanakoa Ioteb'a,
are e kaboaki nako b'a te toro.
18A kabaeaki waena ma roroana
n taurekereke aika biiti.
19E tiku Ioteb'a b'a te toro
ni karokoa e koro bukin ana taeka,
ao e toki kataana iroun te UEA.
20E a kainaomataki Ioteb'a iroun uean Aikubita;
are ngaia are tautaeka i aoia aomata.
21E kateia b'a mataniwin ana tautaeka,
ao te tia tau mwin ana b'ai nako.
22E anganna te m'aaka n tau aroia
ana aobitia, ao te kona n reireiniia
baika a riai ni karaoi.
23E roko Iakob'a i Aikubita,
ao e maeka n iruwa iai.
24A kabatiaki aia kariki ana Aomata iroun te UEA,
Ao E kakorakoraia riki nakoia aiaia.
25E kaun nanoia I-Aikubita b'a a na ribaia ana Aomata
ake a toro i rouna, ao a na m'am'anaia.
26E kanakoa ana tabonibai are Moote,
ma Aaron are E a tia n rineia.
27A kaoti ana kanikina te Atua i Aikubita,
ao a karaoi kakai naba ikekei.
28E karooa aon te aba,
ma a aki ongeaba n ana taeka.
29E oniki aia karaanga nakon te raraa,
ao E kamateia ika ni kabane.
30E buta aon abaia ni biraoki;
a kaona naba ana tabo ni maeka te uea.
31E taetae, ao a roko naba naango ma kinnongo
ni kabutaa aon abaia.
32E kab'akai aitiburaoki aika totoa n irianaki ma te itiiti
b'a oneani mwin te karau.
33E erei aia kureebe ma aia biku,
ao E tiribooi kain abaia.
34E taetae, ao a roko karinan ni keeketi aika kanga ai aron te taake,
aika aki konaaki ni warekaki m'aitiia.
35A kabane aroka ake i abaia ni kang,
ao a kang naba uaan abaia.
36E kamateia ni kabane naati m'aane
ake karimoa n aia utu nako I-Aikubita.
37Ao E kairiia ni kaotinakoia Iteraera
ma uotaia aika tirewa ma koora:
Ao a bane ni marurung ma ni korakora rab'ataia.
38A kukurei I-Aikubita irouia ngke a nako,
B'a a makuia.
39E takina te nang i etaia,
ao te ai b'a kaotaia n te bong.
40Ngke a bubuti, ao E kanuaia
n te am'arake ae bati mai karawa, ake taiani mannikiba.
41E katabwena te b'aa, ao e ti nako te ran,
Ao e raanga nako nanon te rereua b'a kanga te karaanga.
42B'a E uringa ana taeka are tabu
nakon Aberaam are ana toro.
43Ma ngaia are ngke E kairiia nako ana Aomata,
Ao a anene n takaakaa ni kim'areirei.
44Ao E anganiia aaba ake abaia botannaomata tem'angina,
Ao E anganiia naba aia b'ai nako ake uaani mwin aia m'akuri:
45B'a a aonga n ongeaba nakon ana taeka,
ma ni kawakin ana tua.
Kam na kamoamoa te UEA!
Who We AreWhat We EelieveWhat We Do
2025 by iamachristian.org,Inc All rights reserved.
