1Boni Ngai Ioera ae natin Betuera te m'aane.
Aio te rongorongo
ae E anganai te UEA.
Rabunakin Aon Te Aba Irouia Rookati2Kakauongo, ngkami aika taani kairiiri
ao aomata nako
aika i nanon te aba.
Iai te b'ai ae e a tia n riki
ae aron aei mai m'aaina?
3Tuangiia natimi!
Tataekinna nakoia tibumi
ao natiia tibumi naba.
4A tia n roko taanga n rookati te korakina i mwiin te korakina
n tiring arokara,
ma ni kang b'aai ni kabane ake a noori.
5Katoka mangingimi taan manging!
Takaarua mani kaananau n tang;
E a bane nimami te wain.
6E a tia te botannaomata ae e korakora
ma ana taanga ni buaka ae e aki konaa n warekaki
ni buakana abara.
Iai irouia wiin ma m'angain
taian raian aika a korakora.
7A bane ni ngaongao
ara kureebe ma ara biiku;
a bon ti tiku naba taian m'aanga aika akea b'ain aoia.
8Kam na nanokawaki kaanga te ateiaine
ae e tang i bukin buuna
ae e a tib'a mare ma ngaia.
9A aki manga oki n uotaki
nakon ana Tembora te UEA
taian angab'ai ake taian uita ma te wain.
A rangi n nanokawaki
Ana tia m'akuri ake taian ibonga.
10A tang taian tawaana
aika akea arokana;
a bue ma ni b'atakataka.
11Kam na tang i bukin ara tabo n ununiki
ao ara nne n aroka ni kureebe!
Ai akea te uita ke te b'aare
ni maiu i nanon taian tawaana.
12A tia ni m'autakataka taiani kureebe
ao ai uana naba ma taian aroka nako
aika biiku ma bomkuranete,
taian baam ao taian aboro.
A mauna nako taian kukurei ni kabane.
Okira Te Atua13Taang, ngkami aika ibonga aika kam
m'akuri n ana baonikarea Atuau.
Kangainaa ao kabongnga
ni waea te kunnikai ae e mangaingai.
A na aki manga uotaki
nakon ana Tembora te UEA
taian angab'ai are te uita ma te wain.
14Tuangiia taani kairiiri ao aomata
b'a a na bootaki
n au Tembora.
Tuangiia b'a a na aki am'aam'arake
ao a na tataro ni kakorakoraia.
15Ti a reke n te kaangaanga!
E nang karokoa te kabuanib'ai te UEA are Moan te M'aaka
n te tai ae e aki maan.
16A tia ni bane karara;
akea riki manga te bootaki ni kukurei
n ana Tembora Atuara.
17A m'au taian ati i nanon te tano;
e aki konaa ni manga reke tain te tai.
A aki raoiroi ara auti ni uita,
ao akea te uita
ae e na kaawakinaki iai.
18A tiotio nako ara nanai ni kao n aki akaaka,
ma n tangitang b'a akea te uteute,
ao a kainano naba taian tiibu.
19I tangi ni weteiko te UEA.
A kanaki taabo n uteute ao taiani buakonikai
n te ang ae e kabuebue.
20A akea te ran i bukiia maan aika a aki manana
i bukimi;
a m'auteretere taiani karaanga ma taian raanga n ran,
ao a rangi ni m'auteretere taian uteute.
Who We AreWhat We EelieveWhat We Do
2025 by iamachristian.org,Inc All rights reserved.
