1Te UEA, ko na ongora au bubuti i bukin am motikitaeka ae eti
Anga taningam nakoni b'anaau ni kani buokaki!
ae nako mai nanou ni koaua.
2E na oti nako mairoum
motikan taekau ae e raoiroi,
B'a kioina ngkai Ko ataa te eti.
3Ko ataa nanou;
Ko a tia ni kawarai n te bong;
Ko a tia n nenera arou
ao akea te nano ae buakaka irou.
E a tia n au iango
b'a n na bon aki tataekina te kewe.
4Tiaki n ai aroia tem'angina;
I a tia n ongeaba nakon am Taeka,
Ao I aki katotoong aroia aomata aika iowawa.
5I a tia n taai nako n iririko n toua kawaim
ao I tuai man tibanako mai iai.
6Te Atua, I tataro nakoim,
b'a ane ko na bon ongo irou;
Ma ngaia ae tanimai moa,
ao ongora n au taeka.
7Kaota am Tangira ae kamimii,
Ngkoe ae te tia kamaiu nakoia
aika kataniia i rarikim mairouia aiaia!
8Kawakinai n ai aroni kawakinan
ataeini matam;
karabaai i aan nuuni baim
ni kiba.
9mairouia akana buakaka.
A otab'aniniai taan ribaai
aika kamaamate
10Akea aia nanoanga, ao a tataetae
ni kainikatonga.
11A otab'aniniai ngkai taan ribaai;
Ao n taratara aia tai ae a na boa ketau iai i aontano.
12Kanga ai aroia raian aika baki
ni kakaea kanaia,
ke raian aika uarereke
aika karabaia ni kan ewekii konaia n raebitii.
13Karaoa ae ko taku te UEA!
Ao kataenikaia.
Kamaiuai mairouia aomata aika
buakaka n am Kabaang.
14Kabongana baim ae m'aaka ni kamaiuai
iai mai nanoni baiia aomata aika
reke irouia b'aai ni kabane aika
tangiri n te maiu aei.
Ko kareke kanaia ake Ko tangiriia.
A bati n reke irouia natiia,
Ao a na bati riki n reke nakoia tibuia
i aoni m'aitin are e tau i bukiia.
15Ao ngai, ae N na noriko,
b'a akea au bure ae I karaoia;
N na kukurei n norani
buram ngkana I uti.
Who We AreWhat We EelieveWhat We Do
2025 by iamachristian.org,Inc All rights reserved.
