1Te Atua ae Moan te M'aaka,
ai tamaroa ra Nem ni Maeka!
2Ti te kan nako ngai ni mena ikekei!
I kan nako ni mena n ana Tembora te UEA.
I anene ni kakatonga nakon te Atua
ae maiu ma nanou ni kabane.
3Te UEA ae Moan te M'aaka,
ae au Uea ao Atuau,
a reke neni ngaoia tib'aaro
ma tuwaaro ni katikui buniia iai
i rarikin am Baonikarea.
4A kab'aia akana maeka n am Tembora;
A aki toki n anene neboiko.
5A kab'aia akana reke korakoraia mairoum,
Akana e korakora i nanoia te kani m'ananga n nakonako nakon te maunga are Tion.
6A ri nanon m'aruan Baka,
ao E karikia te Atua b'a te tabo ae iai koburakenran iai;
ae e rabunaki aona n are reke mani b'akan
taiani moa ni karau.
7A rikirake riki ni marurung n aia tai ni m'ananga;
A na nora te Atua ae tautaeka i aoia atua i Tion.
8Te UEA ae te Atua ae Moan te M'aaka, Ko na ongo au tataro;
Atuan Iakob'a, Ko na ongora!
9Te Atua, Ko na kakab'aia ara uea,
are Ko a tia n rineia.
10E raoiroi riki te bong ae ti te bongina ni mena i nanon am Tembora
nakon tengaa te bong ni mena n te tabo teuana.
E raoiroi riki irou te tei n tantani i rarikini mataroan te kawai n rin nakon ana auti Atuau,
Nakon te maeka ni mwengaia akana buakaka.
11Boni nera ni katantan te UEA ao ara Uea ae mimitong;
E ataataiaomata nakoira ao E anganira te karineaki.
E aki rawa n anga te b'ai ae e raoiroi
nakoia akana karaoa ae e raoiroi.
12Te UEA ae Moan te M'aaka,
a kab'aia akana onimakiniko!
Who We AreWhat We EelieveWhat We Do
2025 by iamachristian.org,Inc All rights reserved.
