1E karika tatan manawau rokon buakan karawa.
2Ongora ngkami ni kabane nakon b'anaan te Atua,
ao nakon rebwen te baa are nako mai wiina.
3E kanakoa te iti man iteran karawa are teuana nakon iterana are teuana;
man tabon aonnaba are teuana nakon tabona are teuana.
4Ao i mwiina, e ongo te aba rurungaan b'anaana ae korakora
are rurungaan te baa,
are E kaairia ma itin karawa.
5Ngkana E kanakoa Ana babaaire te Atua,
ao a kaoti baika kamimii aika tiaki kona n atai aroia.
6E baairea kab'akaan te tinoo i aonteaba,
ao E kanakoa te raanga ni karau ae korakora.
7E katoki aia m'akuri aomata b'a aonga ni bane ni motirawa man te m'akuri;
ao ni kaotia nako ira b'a tera ae kona ni karaoia.
8A okiri nneia maan aika katam'anti.
9A roko angibuaka mai maiaki,
ao taiani m'aitoro mai meang.
10E kab'anini taian ran ikeiken te Atua,
ao E oniki nakon taian aiti aika matoatoa.
11E iti te iti man taian nang,
12a buti naang nakon are E kanakoia te Atua nako iai;
a ongotaeka i roun te Atua n taabo nako
ike a nako iai n te aonnaba.
13E kanakoa te karau te Atua n teboka te aonnaba.
N tabetai ao E kanakoa i bukin katuaaia aomata,
ao n tabetai E kanakoa ni kakab'aiaia aomata.
14Kainab'aabu teutana Iobi, ao kakauongo;
iangoi b'aai aika kamimii aika E karaoi te Atua.
15Ko ataia b'a E kanga te Atua n anga Ana mwioko
ma ni karika te iti man te nang?
16Ko ataia b'a a kanga ni beibeti taian nang i karawa,
aika na m'akuri te Atua aika kamimii?
17Ko bon aki. Ko ti ataia b'a ko kabuebue
ngkana e ukiko te ang maiaki.
18Ko kona ni buoka te Atua n arora karawa
ma ni karaoia b'a kaanga te biti ae matoatoa?
19Reireiniira ara taeka nakon te Atua;
a nanoroo nanora, akea te b'ai ae ti na taekinna.
20I aki kan taetae ma te Atua;
e aera b'a N na anganna Ana tai b'a E na tiringai?
21Ao ngkai, e a raaitiiti te oota i karawa,
e rangi n raaitiiti n te aro are ti aki kona n taraia,
ao e a tia n taeaki ni kaitiakaki karawa n te ang.
22E nooraki te raaitiiti ae korakora i meang,
ao raaititina e kamimiia aomata ni kabane ake a nooria.
23E rangi ni korakora m'aakan te Atua n te aro are ti aki kona ni kaaniia;
E rangi n raoiroi man eti raoi nako ira.
24Ma ngaia are, a bane ni maakua aomata ni kabane,
ao E aki kubariia aomata ake a taku b'a a wanawana.
Who We AreWhat We EelieveWhat We Do
2025 by iamachristian.org,Inc All rights reserved.
