1E taku te UEA:
Ko na maiuna te raoiroi ao te eti!
N na roko ni kamaiuko n te tai ae e waekoa;
e na nooraki m'aakau ni kakamaiu
n taabo nako n te aonnaba.
2N na kakab'aia aomata nako
akana a karinea te Taabati
ma n rawa ni karaoa te kaairua.
3A na aki kaangai ianena
akana taromauriai,
“E na aki kariaia te UEA
b'a ti na riki b'a ana Aomata.”
A na aki manga kaangai
m'aane akana
a aki konaa n riki b'a taian tama,
“Taian aroka aika a m'auteretere ngaira.”
4E taku te UEA nako ia:
Karinea te Taabati,
ongotaeka irou,
ao kaawakin ara booraraoi.
5Ao i mwiin anne, e na katea
te Tembora
ma arami
aika a koreaki i aona.
E na raoiroi riki aei
nakon ae karikan te nati,
b'a e na tiku b'a te kanuringa
ae e na tei ikekei n aki toki.
6Ane a na irai ianena.
A na tangirai
ao a na taromauri
n arau;
a na karinea te Taabati
ao a na kaawakina ara booraraoi.
7N na uotiia nakon
au Maunga are e Tabu
ike a na karaoa iai aia bootaki ni kukurei
i nanon au Tembora.
E na teimatoa ni mena
aia karea ao aia angab'ai
i aon au Baonikarea.
Ao e na ataaki au auti
b'a te auti n tataro
i bukiia botannaomata nako.
8I berita Ngai ae te UEA
b'a N na ikotiia au aomata
ake a uotaki nako kiraroa,
ma ni manga bootia ma ake tekorakina.
E Berita Te Atua B'a E Na Katuaaia Ana Taan Kairiiri Iteraera9Kam roko man te buakonikai,
ngkami maan aika kam aki manana!
Buakaniia ao kana
konam nako.
10Kam riai n riki ngkami taan kairiiri i Iteraera
b'a kamea ake taan taratara,
are kam na kakawakiniia au aomata.
Ma akea te b'ai ae kam konaa n nooria,
ao kam aki konaa naba n anga te kauring nakoia.
Ma ti te b'ai ae kam karaoia
te nimatutuu ao te mimiiroaroa.
11Bon te koraki ni kamea aika a baki
ngkami taan kairiiri aika kam nanobaba
aika aki konaa ni ngae nanomi.
Bon taani kaawakintiibu ngkami
aika kam kairiia ami tiibu
nakon te maiu n aonikai.
12Kam taku i bon iroumi,
“Ti na mooi ni karokoa ti a manging!
Ao ti na manga karaoia nakon te ingabong.
Ti na bon kakukureira.”
Who We AreWhat We EelieveWhat We Do
2025 by iamachristian.org,Inc All rights reserved.
