1Te Atua, ko na kamaiuai!
I biri nakoim b'a I onimakiniko
2I taku nakon te UEA,
“Bon tii Ngkoe au UEA!
B'aai ni kabane aika reke irou
bon am b'aintangira nako iu.”
3Ai raoiroira aroia am aomata te UEA aika kakaonimaki!
Bon kakatongau irouia n tainako.
4Ma uake a taromauriia riki anti tabeman
ana bon kabatiaki rawawataia
N na bon aki ira buakon aia angakarea;
N na bon aki taromauriia atuaia.
5Bon te UEA ngkoe, ae au b'ai ni kabane!
ao ko anganai b'aai ni kabane aika i kainanoi;
e bon mena arou i bukin taai aika ana roko i nanon baim
6Ai tamaroara aron am b'aintangira nako iu
a bane n raoiroi aroia ni kabane;
7I neboa te UEA b'a E kairiirai,
E kakauringai n te tairiki n ootan nanou.
8I tangira te UEA b'a E na mena i rarikiu n taai nako;
E kaan i rarikiu, ao akea te b'ai teuana ae e konaa ni ioioai.
9Ao I rangi ni kakaaitau ma ni kukurei,
b'a I rangi ni mano raoi,
10i bukina b'a Ko kaawakinai man m'aakan te mate.
I a tia ni m'akuri i bukim ma te kakaonimaki,
ao Ko aki kiitanai i abaia maate.
11Ko na kaota nako iu te kawai are e nakon te maiu;
E kaonai n te kukurei rokom
ao e anganai te kakatonga n aki toki.
Who We AreWhat We EelieveWhat We Do
2025 by iamachristian.org,Inc All rights reserved.
