1N na anenea taekan te kakaonimaki ma te kaetitaeka ae e raoiroi;
te UEA, N na aneneia nakoim.
2N na b'aina te aro ae moan te raoiroi:
Ko na kawarai n ningai?
N na b'aina te maiu ae itiaki i nanon au auti;
3Akea te bae buakaka ae N na noria;
I ribaai aia m'akuri aomata akana rairaki nako mairoun te Atua;
N na aki reitaki ma ngaiia.
4E na nako mairou te nano ae b'aoua:
Akea te buakaka ae N na reitaki ma ngaia.
5N na kamaunaa ane
wirikiriki ni winantia raona;
N na aki raoraona ane mata
ni karietata ao e kainikatonga.
6N na tarataraia akana kakaonimaki i aon te aba,
B'a a na maeka irou n au bareti.
Ake a b'ab'aina te koaua
ao ana riki b'a au tia m'akuri.
7E na aki maeka n au auti te tia m'am'anaa te aba;
E na aki memena i matau ane b'ab'aina te kewe.
8N na bane ni kamaunaia akana
buakaka i aon te aba ni katoa ingabong;
B'a a aonga ni bane n nako
akana buakaka man ana kaawa te UEA.
Who We AreWhat We EelieveWhat We Do
2025 by iamachristian.org,Inc All rights reserved.
