1E taku b'anaan te UEA, Etekiera, ae natin te aomata, I tangiriko b'a ko na kakauongo.”
2Ao i mwiin taekinan aei, e anaai Tamneina ao e kateirakeai i aon waeu. Ao e taku te UEA:
3Etekiera, I kanakoko nakoia Iteraera. Ti te bo aroia ma aia bakatibu aika a kakaitaraai ao a aki tangiria ni katoka aroia arei.
4A taningabono ao a atumatoa. Ma I a tia n rineiko Ngai ae te UEA ae te Atua b'a ko na tuangiia te b'ai ae I taekinna.
5A na bon aki ongo naba koraki akana kakaitaraa, ma e aoria n anne ma a bon ataia b'a e a tia n roko te burabeti irouia.
6Ko na aki maaku irouia ke ni b'aai akana a taekin. Ane ko na taku b'a ko a mena i nuukan aroka aika a kateketeke ke i buakon taian tikaobian. Ma ko na ninikoria
7ao ko na taetaekina Au taeka nako ia, e aoria ngkana a taku b'a a na ongora ke a na aki.
8Etekiera, ko na aki kakaitaraai, n aron are a karaoia. Ma ko na kakauongo nakon te b'ai ae I tuangko. Ao ngkai, Etekiera, kauka wiim ao kana te b'ai ae N na anganiko.
9Ao I noora te bai ae e aroraki nako iu. Ao e mena te niira ni boki i nanona.
10E kauka te niira ni boki te bai arei, ao e kanoaki iterana ake uoua n taekan te kananokawaki, te tang ao te rawaawata.
Who We AreWhat We EelieveWhat We Do
2025 by iamachristian.org,Inc All rights reserved.
