Taian Areru 65 - Kiribati New Version Bible

(Ana Areru Tawita; ana b'ai aia Mataniwi taan anene; te anene.)E Kaekai Tataro te Atua

1Te Atua, e bon riai iroura b'a ti na neboiko i Tion,

Ao ti na kakoro bukin ara taeka ni bau

2i bukina ngkai Ko kaekai tataro.

A na bane n roko nakoim aomata man taabo nako

3i bukin aia bure.

Ti a aki konai moan ara bure,

Ma Ko boni kab'arai naba.

4A kab'aia aomata ake Ko rineia,

ake Ko kairiia b'a a na maeka i nanon on am Tembora.

Ti na rauaki ni baika raraoi aika b'ain am Auti,

are taiani kakab'aia i bukin am Tembora are Tabu.

5Ko anganira te tokanikai b'a kaekakira iroum,

Ao Ko karaoi baika kamimii b'a ti aonga ni kamaiuaki iai.

A bane ni mwioko iroum aomata nako i aon te aba

ma ake a maeka i kiraroa ni katokini marawa.

6Ko katei maunga ni korakoram,

are e a oti iai ae Ko rangi ni korakora.

7Ko katoka rurungaani marawa

ma karongoaan b'aron naao;

Ko katoki kiriweia botannaomata.

8A bane aomata nako i aonnaba ni mimi

n am M'akuri ake a kamimii ake Ko a tia ni karaoi;

Ao a karika te anene n takakaa ni kukurei

irouia aomata mai tabon aonnaba nakon tabona are teuana.

9Ko kaota tararuan te aba iroum ni kab'akaan te karau;

Ko kakorakora marina.

Te Atua, e on am Karaanga n te ran;

Ko karaoa ae e na kona aon te aba ni kariki aroka.

Ao aio aroni karaoana iroum:

10Ko kab'aka te karau ae korakora n tawaana ake ana unikaki aoia

ao ni kaboraoi tabuki bukina.

Ko kamaraua raoi tanona n te karau,

ao Ko kakab'aia te tano b'a e na kariki aroka.

11Ai batiraa am Akoi ae noraki arona ni marin te aba ae Ko anga b'a e na taiaki!

Iriani m'anangam bon te kab'aia ae bati n taabo ake Ko roko iai.

12A on taabo aika a rereua aoia n uteute aika maiureirei;

Ao tabuki, ai aroia aomata aika kakatonga!

13A on aon taabo ake a maiureirei uteute iai n nanai n tiibu;

Ao a kebo nanoni m'arua n uita.

A riki b'a kanga ai aroia aomata ake a bane

ni kanene b'anaaia n anene ni kakatonga.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help