1E a manga taetae riki Iobi, ao e taku,
2“Ai tera ngke I kona ni manga okiri au bong ake ngkoa,
ake taai ake E tararuaai iai te Atua.
3Ngke e kakab'aiaai iai te Atua ni kaota Ana taura i aoni kawaiu.
E kairirai Ana taura i buakon te roo.
4Bon aikai ngkoa au bong are e mari iai maiu,
ao E kaawakina au auti ana iraorao te Atua.
5Ao E mena te Atua i rarikiu,
ao I a otab'aniniaki i rouia au koraki n ataei.
6A rangi ni m'aiti aia miriki au kao ma au kooti,
ao a bwebwerake naba arokau taian oriwa i aon te bon ae te kabanea n ririb'a.
7Ngkana a bootaki unim'aanen te kaawa,
ao ngai naba i buakoia.
8A koerikaaki rorobuaka mai m'aaiu n te tai naba are a noorai iai,
ao a teirake unim'aane ni kaota te karinerine nako Iu.
9A toki n taetae aia mataniwi aomata;
10a aki kakarongoa naba aomata aika a rangi kakannato.
11Ngkana a ongo ke a noorai aomata nako,
ao a tataekinai ni kamoamoaai ma n taekini b'aai ake I karaoi.
12Ngkana e tang te aomata ae kainano, I buokia;
ao I anga te i buobuoki nako ia ataei ake akea aia karo, ake akea te tabo ae a na nako iai.
13A neboai aomata ake a mena i nanon te rawawata ae moan te korakora,
ao I buokia aine aika mate buia ni karekea te kukurei nako ia.
14I aki toki ni kakaraoa te eti ma te riai.
15I riki b'a mataia aika mataki,
ao waeia aika m'auku.
16I riki b'a kaanga te karo nakon te aomata ae kainano,
ao I tei i bukiia iruwa n tain te kangaanga.
17I katoki maakuia aomata aika iowawa
ma ni kamaiuia ake a m'ane i nanoni baiia.
18I aki toki ni kaantaningaia b'a e na teimatoa maiu,
ao N na mate n au auti ma te rau.
19I riki ngkoa b'a kaanga te aroka aika teimatoa wakaana ni mena i nanon te ran,
ao aki toki ni m'aim'ai baana n te aoi.
20A bane aomata ngkoa n neboai,
ao a kakoroaki bukin au iango ni korakorau.
21A bane n aki kakarongoa aomata ngkana I anga au kaetieti,
ao a kakaauongo raoi nakon te b'ai are I taekinna.
22Bon akea riki te b'ai ae a na manga taekinna ngkana a bane au taeka.
A timtim au taeka i aoia kaanga b'akan te karau i aon te tano ae m'au.
23A bane ni butim'aai
kaanga butim'aean te karau n tain te aumeaang i roun te tia ununiki.
24Ngkana I matangare nako ia,
ao a kakorakoraaki nanoia iai.
25I riki b'a te mataniwi, ao I karaoi taiani babaaire;
I kairiia n ai aron te uea ngkana e kairiia ana taanga ni buaka,
ma ni karekea te mwengaraoi n aia tai ni kainano.
Who We AreWhat We EelieveWhat We Do
2025 by iamachristian.org,Inc All rights reserved.
