1Ngke e a roko ara tai ni kitaniia ao ti borau ni kaeta Koti, ao ti roko iai; ao ngke e a ingabong ao ti roko i Roriti, ao ti kitanna n nako Batara.
2Ti nora iai te kaibuke tewaana are na nako Boinike; ma ngaia are ti toka iai ao ti borau.
3Ngke e ria Kubero, ao ti kitanna n ri maiakina ni borau nako Turia, ao ti aerake i Turo: b'a a kaerakeaki iai kaako.
4Ti kuneia aomata aika onimakina Iesu i Turo, ma ngaia are ti tiku iai itibong; ao a tuanga B'auro, n aron tuangaia iroun te Tamnei are Raoiroi, b'a e na aki waerake nako Ierutarem.
5Ao ngke a bane ara bong i Turo, ao ti m'ananga n nako. A bakaborauira te koraki arei ma buuia ma natiia nako tinanikun te kaawa; ao ti katorobubua i aon te bike, ao ti tataro.
6Ti kabo ngkanne ma ngaiia, ao ti toka i aon te kaibuke; ao ngaiia a okiri mwengaia.
7E roko n tokina m'anangara mai Turo ngke ti roko i Betoremai, ike ti kamauriia iai taari, ao ti tiku i rouia te bongina.
8
26E anaiia ngkanne aomata akekei B'auro, ao n te bong are i mwina, ngke e tia ni kaitiakia ma ngaiia, ao e rin n te Tembora n anga taekani kaitiakaia b'a te bongi ra are e na toki iai, are a na bane naba iai n anga karea i bukin temanna ma temanna irouia uakekei.
E a Tauaki B'auro i nanon te Tembora27Ngke a kani koro boong ake itibong, ao a nora B'auro I-Iutaia ake kaain Atia i nanon te Tembora. A kakiriweia aomata ni kabaneia, ao a taua B'auro.
28Ao a takarua ni kaangai, “Mm'aane aika Iteraera, buokira! Aio te aomata are reireiia aomata n taabo nako b'a a na ekianako ara aomata aika Iteraera, ma te Tua, ma te tabo aei; ao e kairiia naba I-Erene ni kariniia n te Tembora, ao e kam'araea te tabo ae tabu aei!”
29M'akuri 20.4B'a a kaman nora Terobimo are te I-Ebeto b'a raoni B'auro i nanon te kaawa, ao a taku i nanoia b'a e a tia B'auro ni kairiia nako nanon te Tembora.
30A bane ni kiriwe kaain te kaawa, ao a biri ni botaki aomata ao a taua B'auro ni katikia nako mai nanon te Tembora; ao a bonotaki naba ngkekei mataroa.
31Ngke a iangoia b'a a na kamatea, ao e roko te rongorongo irouni mataniwin te taanga ni buaka, b'a e kiriwe aon Ierutarem.
32Ao ngaia e a kairiia ngkekei naba tautia ma mataniwi n taanga ni buaka ake kaka tebubua kaaia, ao a biri rio nakoia aomata; ao ngaiia, ngke a nora aia mataniwi tautia ma tautia, ao a katoka oreani B'auro.
33E kaniia B'auro ngkanne teuare aia mataniwi tautia n taua, ao e tua b'a e na kabaeaki n taurekereke aika uaai. E titiraki ngkanne ao e taku, “Antai teuaei, ao tera ae e karaoia?”
34A takaruaea te b'ai teuana tem'angina i buakon te koraki arei, ao tem'angina te b'ai teuana; ma ngaia are ngke e aki kona n ata te koaua i bukini mangaoia aomata, ao e tua b'a e na kairaki B'auro nakoni neia tautia are matoatoa.
35Ngke e roko i aon te tabo n nakonako ni waerake, ao e a uotaki ngkanne irouia tautia i bukin iowawaia aomata.
36B'a a iria aomata aika bati n rimwiia, ao a takarua ni kaangai, “Kamatea!”
Ana Taeka B'auro ni Kaitaraa Bukinana37Ngke e nang kairaki ni karinaki B'auro i nanoni neia tautia are matoatoa, ao e taku nakon aia mataniwi tautia, “E kariaiaki b'a N na taetae nako im, ke e aki?”
“Ao ngaia e kaangai, Ko rabakau n taetae n Erene?”
38“Tiaki te I-Aikubita arei ngkoe, are kateirakea te kiriwe i nanon taai aika b'aka nako, ao e kairiia angaa te aomata aika taan tiritiri n te biti nakon te rereua?”
39Ao e taku B'auro, “Te aomata ae te I-Iutaia ngai, ae te I-Taareto are i Kirikia, ae kaain te kaawa ae aki mangori; I butiiko b'a ko na kariaia b'a N na taetae nakoia aomata.”
40Ao ngke e kariaia, ao e tei B'auro n te tabo n nakonako ni waerake, ao e taotaona baina nakoia aomata. Ngke ai bon akea naba teutana te karongoa, ao e taetae nakoia n te taetae n Ebera, ao e kaangai:
Who We AreWhat We EelieveWhat We Do
2025 by iamachristian.org,Inc All rights reserved.
