1Ngkana kam kaoaki
b'a kam na am'arake ma te uea,
ao kam na karaoa kateimi ae ami kabanea n raoiroi.
2Kam na aki nako ni katibutauako!
bon ti te bo anne ma
kam bon korea roroam i bon iroumi.
3Kam na aki m'angainrang n taraan
am'arake ni kabane aika a kangenge taraaia!
A na bon aki rangi ni kangkang.
Te Kaitiua n Taetae4Kataia b'a kam na aki riki ni kaub'ai
5E na kibanako ami m'ane
i m'aain ae kam a ataia,
n ai aron te ikare
ae e karina ni kiba nako.
Te Kawanua n Taetae6Tai kariaia te kakao n nako
ni kana kanan te aomata ae e b'angantauti
e aoria ngkana e rangi n raoiroi kanana.
7B'a aomata aika aron aikanne
a tabe ni wawareka m'aitin ae kam a tia ni kanna.
A na kaangai, “Anai ni kabane akana kam bon taku!”
ma a bon aki nanona ane a taekinna.
8E na manga oki kanam ane kam kanna,
ao a na bane buaka
ami taeka n akoi ni kabane.
Te Karuaiwa n Taetae9Tai taetae nakoia aika a nanobaba
ane a na ti b'ainingareingkami.
Te Katebwina n Taetae10Tai kam'ainga te tia
ke n anaa te aba
ae aban te teei ae akea tamana ma tinana.
11E mena te Atua ae Moan te M'aaka ikanne
ni kaawakiniia ao ni kaitarako.
Te Katebwi ma teuana n Taetae12Kakauongo nakon taian reirei
ao kabanea korakorami ni kamateb'aia.
Te Katebwi ma uoua n Taetae13Tai b'arannano ni kaetiia
natimi nako.
Kam aki tiringiia
ngkana kam matoatoa nakoia,
14b'a a na bon
kamaiuia.
Te Katebwi ma tenua n Taetae15Natiu,
ngkana kam kaota te wanawana
ao n na bon kukurei,
16ao n na kim'areirei raoi
ngkana kam b'aab'aina te koaua.
Te Katebwi ma aua n Taetae17Tai mataaiakiniia taani bure,
ma karinea te Atua n taai nako.
18Ao ane e na reke iroumi te kaantaninga ni koaua
i bukin boong aika a na roko.
Te Katebwi ma nimaua n Taetae19Kakaauongo raoi irou, natiu!
Kawanawanaingkami ao kaiangoraoingkami
n ira te kawai ae e eti.
20Tai riki b'a te tia mamanging
ke te tia mamauam'arake.
21E na anganingkami te nimatutuu,
ao kam na riki b'a te aomata ae e maiu ni kainano
ae e ti kunnikainna n te kunnikai ae e mangaingai.
Te Katebwi ma onoua n Taetae22Kam na ongo iroun tamami,
ao tai ribaa tinami
ngkana e a kara.
23Kabooa te koaua ao te wanawana,
te taeka n reirei ao te iangoraoi,
ao tai raraaure nako ma ngaiia.
24Kakukureia raoi tamami
ni maiumi aika a raoiroi
ao ni kaota te motikitaeka ae e raoiroi.
25Karaoia ami karo b'a a na kamoamoa iroumi,
ai moara ra riki tinami.
Te Katebwi ma itiua n Taetae26Natiu te m'aane, kakauongo raoi,
ao kukurei
ni katotoongai.
27Bon ti te bo aine aika a buakaka ao ainenum'a aika a aki kakaonimaki
ma te m'anono ae e nano
28a tatauraoi nakon buakanakim
kaanga aroia te koraki ni kimoa
n raweia konaia temanna i mwiin temanna.
Te Katebwi ma Wanua n Taetae29Antai ae e aki toki n reereke n te kangaanga?
Antai ae e aki toki ni ngurengure ma n un?
Antai ae e m'akorokoro ma ni kunikun?
Antai ae e takarokaro matana?
30Bon aomata ni kabane akana kakab'akanako tai,
n taua riki teuana te m'angko ni manging.
31Ko na bon aki karekea nanom n taraia
ngkai e on ma ni kantara
ma ni buroburo i nanon te m'angko te kiraati te wain!
E rin raoi nimakina
32ma i mwiina teutana, e na tena
kaanga te naeta ae e boitin.
33Ko na noori b'aai aika a kamimii,
ao ane e nang uotiko nanom
nakon taiani kangaanga.
34Ko na minominotaki
kaanga te aomata ae e kataia ni matu
i aon te kaibuke n taini buakan nanoni marawa.
35E na kunkun rab'atam n aki akaaka
ao ko na aki konaa n uringnga
b'a e kangaa n riki.
Ao ko na wene n aki matu ma n titiraki ni kaangai,
e na ngaina n ningai,
b'a I aonga ni manga nako riki ni mooi?”
Who We AreWhat We EelieveWhat We Do
2025 by iamachristian.org,Inc All rights reserved.
