1Kam na takaruaea neboan te UEA!
E kakab'aia aomata ni kabane te UEA,
akana taromauriia ao ni kukurei
n ongeaba nakon ana tua.
2A na riki ni kakannato ana bakatibu
i aon te aba,
i bukina b'a e kakab'aiaia
akana kakaraoa ae eti.
3A na rangi ni kaub'ai man tetekeraoi,
ao ana bon aki kona ni m'anuokaki
i bukin aroia aika raraoi.
4Ai aron te oota ngaia
ae oota n te roo
i bukiia akana raoiroi;
E b'ab'aina te nanoanga
ma te ataataiaomata ma te eti.
5E a kab'aia te aomata ae tituaraoi
ae kariaia aomata b'a a na tangoi ana b'ai,
ao e aki b'aina te babakanikawai.
6Akea kab'akan te aomata ae ongeaba
nakon ana tua te Atua;
E na ururingaki n taai nako.
7Akea makuna n rongorongo aika buakaka;
E nene aan ana kaantaninga,
ao e onimakina te UEA.
8Akea raraomana ke makuna;
e aki nanokokoraki
b'a e na bon noriia
aiana ni konaaki.
9E tituaraoi n anganga nakoia aika a kai nanoia,
Ao akea tokin ana ataataiaomata;
e na rikirake ni kamoamoaki n arona
ma ni karineaki irouia aomata.
10A nora aio akana buakaka
ao a un iai mani kangkantii bukini m'angaia:
ao a bua naba nanoia;
E aki koro bukin aia kaantaningaia.
Who We AreWhat We EelieveWhat We Do
2025 by iamachristian.org,Inc All rights reserved.
