1Te Atua, Ko na ongo b'anaau, b'a ia rotaki n te kanganga.
I makuia au kairiribai-kawakinai mai rouia.
2Kawakinai mairouia aomata aika buakaka
aika bobotiia n iangoi m'akuri n aki ako.
3A riki aia taeka b'a kanga kabaang aika a kakangii raoi;
Ao a bakarere nako aia taeka ni kamaraki
nano b'a kanga ai aroni kanoani kainikatebe.
4A aki maaku ao a aki tab'ara ni bakarereia
iai aomata aika akea aia bure.
5A kaungaia i bon irouia nakon nanoia n ribuaka;
A i taetae irouia b'a a na katuka ia aia b'ai ni kam'am'ane,
ao a kaangai, “Akea ae kona n norira.”
6A kario iango aika bubuaka ao a kaangai,
“E a tia ara iango ni kakam'arua.”
Nanon ao ana iango te aomata bon te kamimii.
7Ma E katebe nako ia kanoan ana kai ni katebe te Atua,
Ao a kuba nako ngke a ikoaki iai.
8E na kamaunaia i bukin aia taeka akekei;
Ao a na bane ni katoutou atuia akana noriia.
9A na bane ni maaku;
A na iangoa te baere E a tia ni karaoia te Atua
ao a na taekin nakoia aomata.
10A na kukurei aomata akana raoiroi,
i bukini baike E a tia te Atua ni karaoi.
A na kawakinaki raoi i rouna;
A na bane aomata akana raoiroi n neboia.
Who We AreWhat We EelieveWhat We Do
2025 by iamachristian.org,Inc All rights reserved.
