1E a manga taetae te UEA nakon Iona.
2E taku, “Naako nako Ninewe, are te kaawa are e rangi ni buubura, ao kaongoia aomata ni kabane te rongorongo are I a tia n tuangko.”
3Ao e ongotaeka iroun te UEA ao e nako Ninewe are te kaawa are e rangi ni buubura, b'a e nakon tenibong te nakonako i nanona.
4E rin Iona n te kaawa, ao e tatakarua ni kabongnga ni kaangai, “Ai ti angaun te bong ao e na uruaki Ninewe!”
5Ao a kakoauai ana taeka te Atua kaain Ninewe. Ma ngaia are, a bonnanoa te aki mamatam. Mairouia kakannato ni karokoia ake a mangori, a karin kunnikai aika a mangaingai ni kaota aia rairanano.
6Ao ngke e ongo aei uean Ninewe ao e teirake naba man ana kaintokanuea, e buuta kunnikaina n uea mai aona, ao e karina naba te kunnikai ae e mangaingai, ao e tekateka i buakon te mannang.
7Ao e katanoata te UEA nakoia kaain Ninewe, “Aio ana taeka te uea ma ana mataniwi nako: Akea temanna ae e na am'arake. Aomata ni kabane, maan, kaao, tiibu: a riai n aki am'arake ao n aki mooi.
8Ana bane aomata ma maan ni karin kunnikaia aika a mangaingai. Ana bane aomata ni kakorakoraia n tataro nakon te Atua, ao ni kaaki aroia aika a buakaka, ma m'akuri aika a aki raraoi.
9Antai ae na ataia ao e a ti bita naba nanona te Atua, ao ma n toki unna, ao ti a aki mate!
10Ao te Atua E noori baike a karaoi; b'a a tia n toki man aroia ake a bubuaka. Ma ngaia are, E a bita nanona ma n aki katuaaia n aron are E a tia n taekinna.
Who We AreWhat We EelieveWhat We Do
2025 by iamachristian.org,Inc All rights reserved.
