Neemia 7 - Kiribati New Version Bible

1Ao i mwiin banen manga karaoan te oo ao taiani mataroa ake a tinetine, ao a anganaki tib'angaia taan tei n te tembora, taan anene, ao kanoan Rewi ake te korakina.

2I katuka tariu are Anani b'a e na tararua Ierutarem, n reitaki ma Anania, are te kam'aanta n te nono b'a e onimakinaki, ao e karinea te Atua nakon are a karaoia aomata nako.

3Ao I taku nakoia, “Kam na aki kauki taiani mataroa nakon te kaawa ni karokoa tabeua te tai i mwiin otin taai. Ao kam na kakoaua raoi b'a a bon in ma ni matoa raoi i m'aain motirawaia taan tei ni bungin taai. Kam na rineia aomata mai Ierutarem b'a a na tei n taabo aika a kakaokoro i rarikin nako te oo ao tabem'aang b'a a na tei i rarikin oin aia auti nako.”

Araia Taan Kataenikaiaki ake a okirikaaki(Etira 2.1-70)

4E ngae ngke e rangi ni korakora aban Ierutarem, ma a karako aomata ake a maeka ikekei, ao akea naba taian auti aika a boou aika a tia ni kateaki.

5Ma ngaia are, e a anganai te Atua te iango b'a n na bootia aomata, ma taani kairiiri, mataniwi ao n tuoi rongorongon taian utu aika a eti raoi i bukiia aomata ake a tia n okirikaaki man te kataenikaiaki mai B'aburon, i mwiin uotakinakoaia iroun te uea are Nebukaneta.

6N bon te tai naba anne, ao I kunea rongorongoia aomata ake a moan oki nako Ierutarem man te Burawinti are B'aburon Ngke I wareki araia aomata aikai, ao I a ataia b'a ngaia a bon maeka ni bon oin aia kaawa nako,

7ao a airi ma Terub'abera uaake, Iotua, Neemia, Ataria, Raamia, Naamani, Moretekai, Biretian, Mitibereta, Bikewai, Neum, ao Baana.

8Ao aikai m'aitiia koraki ake a okirikaaki man m'akoron nako aia utu:

9uoua te ngaa tebubua itingaun ma uoman man Baroti;

10tenibubua itingaun ma uoman man Tebatia;

11onobubua nimangaun ma uoman man Ara;

12uoua tengaa wanibubua tengaun ma waniman man Baata Moaba, ake bon ana kariki Iotua ao Ioaba;

13teuana tengaa uabubua nimangaun ma aman man Eram;

14wanibubua angaun ma niiman man Tatu;

15itibubua onongaun man Takai;

16onobubua angaun ma waniman man Binnui;

17onobubua uangaun ma waniman man Bebai;

18uoua tengaa tenibubua uangaun ma uoman man Atikata;

19onobubua onongaun ma itiman man Atonikam;

20uoua tengaa onongaun ma itiman man Bikewai;

21onobubua nimangaun ma niiman man Arin;

22ruangaun ma waniman man Atera, ae e ataaki naba n arana ae Etekia;

23tenibubua uangaun ma waniman man Atum;

24tebubua uangaun ma aman man Betai;

25tebubua tengaun ma uoman man Ariba; ao ruangaun ma niiman man Kibeon.

26Aikai araia te koraki ake a oki ake a nako aia bakatibu man kaawa aikai:

27tebubua waningaun ma waniman mai Betereem ao Netob'a;

28tebubua uangaun ma waniman mai Anatota;

29angaun ma uoman mai Beta Atimaweta;

30itibubua angaun ma teniman mai Kireata-Iearim, Kebira, ao Beerota;

31onobubua uangaun ma temanna man Ram'a ao Keeb'a;

32tebubua uangaun ma uoman mai Mikemati;

33tebubua uangaun ma teniman mai Betaera ao Ai;

34nimangaun ma uoman mai Nebo;

35teuana tengaa uabubua nimangaun ma aman mai Eram;

36tenibubua uangaun mai Arim; tenibubua angaun ma niiman mai Ieriko;

37itibubua uangaun ma temanna mai Rote, Arita, ao Ono;

38ao tenua tengaa ruabubua teningaun mai Tenaa.

39Aikai m'aitiia ake a oki man utuia nako ibonga:

40ruabubua itingaun ma teniman ake kanoan Ietua mai Ietaia;

41teuana tengaa nimangaun ma uoman man Immera;

42teuana tengaa uabubua angaun ma itiman man Batura; ao teuana tengaa tengaun ma itiman man Arim.

43Aikai m'aitiia koraki ake a oki man kanoan Rewi: itingaun ma aman ake kanoan Otewa man ana utu Ietua ao Katemiera;

44tebubua angaun ma waniman man kanoan Ataba ake taani katangitang n te Tembora;

45ao tebubua teningaun ma waniman man kanoan Tiarum, Atera, Taremon, Akuba, Atita, ao Tiobai mairouia taan tei n te Tembora.

46Aikai araia utuia taani m'akuri n te tembora ake a oki kanoaia nako Ierutarem:

47Tiia, Atuba, Tabaota,

48Keroti, Tia, Baton,

49Rebana, Akaba, Taremai,

50Enan, Kitera, Kaa,

51Katam, Reaia, Retin,

52Nekota, Uta, Batea,

53Betai, Meunim, Nebutetim,

54Bakebuka, Akuba, Areura, Batiria,

55Meita, Aretia, Barekoti,

56Titera, Tem'a, Netia, ao Atiba.

57Aikai araia ana toro Toromon ake a oki kanoaia aika:

58Totai, Tobereta, Berita, Iaara, Tarekon,

59Kitera, Tebatia, Atira, Bokireta, Atebaim, ao Amon.

60Bootan m'aitiia kanoaia taani m'akuri n te tembora ao ana toro Toromon ake a oki bon tenibubua ruangaun ma uoman.

61Bootan m'aitiia ake a oki man aia utu Teraia, Tobia, ao Nekota bon onobubua angaun ma uoman, e ngae ngke a aki konaa ni kateirikiia b'a Iteraera ngaiia.

62A tia ni maeka ni kaawan B'aburon are Tera-Mera, Tera-Aretia, Kerub'a, Aton, ao Immera.

63A aki konaa naba ni kateirikiia ana utu Obaia, Akoti, ao Baretirai b'a ibonga ngaiia. A tia ni mare ana bakatibu ana utu Baretirai ma natin Baretirai te aine, are kaain Kireata ao e katokaa araia ana utu buuna.

64Ma e aki konaa n reke rongorongon utu aika tenua aikai, ao akea mai buakoia ae e kariaiakaki n riki b'a te ibonga.

65Ni koauana, ao e taku te kowana nakoia, “Kam aki konaa ni kang taian am'arake ake a anga aomata nakon te Atua ni karokoa kam konaa n tuangiira b'a bon tenaan ibonga raoi ngkami.”

66Bootan m'aitiia ake a oki bon 42,360

67n ikotaki ma 7,337 taian toro,

68ao 245 taani katangitang. Ao uoti naba ma ngaiia 736 taian aoti, 245 taian miure,

69435 kamero, ao 6,720 aati.

70A m'aiti aomata ake a anga aia b'aintangira ni buoka kabooan taiani b'ai i bukin te Tembora.

71E anga 8 kirokuraem te koora, 50 te boora i bukiia taian ibonga aika a na kabonganaaki i bukin te Tembora, ao 530 te niiniira i bukiia ibonga.

72A anga 153 kirokuraem te koora taani kairiiri man taiani utu ao 1,458 kirokuraem te tirewa. Ao nikiraia aomata a anga 153 kirokuraem te koora, 1,325 kirokuraem te tirewa ao 67 te kunnikai i bukiia ibonga.

73Ai ngaia are, n te kaitiua n nam'akaina, ao a maeka taiani ibonga, kanoan Rewi, taan tei n te tembora, taani katangitang, taani m'akuri ao ai bon aomata nako ni kaawan nako Iuta.