1Kam na anenea te anene ae boou nakon te UEA;
B'a E a tia ni karaoi baika kamimii!
E reke i rouna te tokanikai n oini
m'akana n Atua ao ni korakorana.
2E katanoata taekan ana tokanikai te UEA;
E kaota m'akana b'a e na ataaki irouia botannaomata nako.
3E kateimatoa ana berita nako ia te botannaomata ae Iteraera
ma te karinerine ao ana Tangira i bukiia.
A bane aomata nako n nora aron Atuara ni kamaiuia ana Aomata.
4Aomata ni kabane i aonnaba, kam na anene ni kakatonga nakon te UEA;
Kam na neboia n ami anene ma b'anaami ni kim'areirei!
5Kam na anene n neboa te UEA!
Katanga te aabi ao anene ma tangina ae tangi raoi.
6Katang taiani bu,
ao kanene b'anaami ni kim'areirei nakon te UEA ae ara uea.
7Ke e rurunga nanoni marawa, ma kanoana,
anene, aonnaba, ma akana maeka iroum!
8Ubouboi baimi, ngkami aika karaanga;
ke a uaia n anene ni kakatonga taian tabuki i matan te UEA,
9I bukina b'a E roko n tautaekana te aba.
E na tautaeka i aoia aomata nako i aonnaba
n te eti ma te aki nanonano.
Who We AreWhat We EelieveWhat We Do
2025 by iamachristian.org,Inc All rights reserved.
