1Ao n te bong teuana, ao a ngurengure Iteraera i bukin aia kangaanga. Ao E ongo te UEA ngurengureia, ao E rangi n un iai, ao E kamaunai taian auti n rianna ake i mataniwiin te maeka ni katobibia n te ai.
2Ao ngke a butiia aomata Moote, ao e tataro Moote, ao e mate te ai arei.
3Ao e arana te tabo arei b'a “Te Bue.” i bukina ngke E un te UEA, ao E kaurarakea aia maeka.
Ngurengureia Aomata I bukin Bakiia4Ao n te tai teuana, ao a taonaki n te baki tabeman iruwa ake a maeka i buakoia Iteraera, ao bon Iteraera naba a tang ao a kaangai, “Ai bon akea tannara!
5A bon toki nanora n tannaira n te ika i Aikubita, ao iai naba taian kukamb'a, meron, anian, ao taiani kaariki.
6Ma ti a mate ni baki ikai, ao ti karara ae kona n reke bon ti te maana.”
7Ti te bo te maana ma taian ati aika mainaina
8ao ti te bo kanakina ma te b'ai ae umunaki ma b'aan te oriwa ae karewe. E kakaoti n te bong ma te aoi.
9Ao a rikoi kanaia te maana aomata n te ingabong, ao a kamantia ni karikia ni buraawa, ao a kaburoa ao a karaoia b'a taian buraibaan aika mmani.
10Ao a teibabaa Iteraera i rarikin nako aia auti n rianna ni ngurengure. Ao e ongo Moote ngurengureia, ao e b'ara nanona b'a a manga kauna naba te UEA.
11Ao e tataro Moote:
Bon Am toro ngai te UEA, ao e aera ngkai Ko a manga karaoa aei nako iu? Tera ae I a tia ni karaoia ngkai e a manga riki aei? Ko bon anganai tib'angau te kaawakiniia aomata aikai,
12ao bon tiaki natiu. Ko tuangai b'a N na tabeakiniia, ma ni kairiia nakon te aba are Ko berita iai nakoia aia bakatibu.
13A rangi ni kaberoroa te aba i bukin tangiran tannaia, ma n nang karekea ia tannaia?
14E rangi ni matoatoa te tib'anga aei nako iu. N nang kanga n tabeakiniia aomata aikai ni kabane n ti ngai?
15Ngkana arom aei nako iu, ao e raoiroi riki ngkana Ko tiringai ngkai b'a e aonga n toki rawawatau!
Rineakiia 70 Taani Kairiri I bukin Buokan Moote16Ao E taku te UEA nakoni Moote:
“Rineia 70 taani kairiri mai buakoia Iteraera, ao kairiia nakon te Um'antabunrianna
17N na anganiia m'aakam teutana ngkana I maroroo ma ngkoe ikekei, b'a aonga ni kona n tararuaia naba aomata ma ngkoe. Ko nang aki manga tararuaia aomata n ti rab'atam.
18Ko na tuangiia Iteraera b'a I a tia n ongo ngurengureia i bukin akean tannaia, ao i bukina naba ngke a bon totoki nanoia ni baika a tangiri i Aikubita. Ma ngaia aei, ko na tuangiia b'a a na tabuia b'a N nang karokoa tannaia nakon te ingabong.
19A nang bon tannaia ni katoa bong-tiaki tii i bukin te bongina ke uabong, ke nimabong, ke 10 ke 20 te bong, ma i nanon teuana te nam'akaina.
20A ngurengure nako iu, ao a tangiria n okira Aikubita. Ao ngkai a nang kang iriko ni karokoa marakin birotoia.
21Ao e taku Moote, “Tao e kaaniia 6,000 mm'aane aika ikawai ikai, ao Ko na kanga n taku b'a a kona ni karekei tannaia ma aia utu i nanon teuana te nam'akaina?
22B'a ngkana tao ti a tiringiia ara tiibu ma ara kao b'a tannaia, ke tao ti kabanea ikan taari n anaia b'a tannaia, ao a na bon aki ngae naba iai.”
23Ao E taku te UEA, “I kona ni karaoi b'aai ni kabane! Ko na nooria b'a a na koro bukin Au taeka ni kabane.”
24Ao e tuangiia aomata Moote b'aai ake E taekin te UEA. Ao e rineia 70 taani kairiri, ao e kairiia nakon Ana Um'antabunrianna te UEA ma ngaiia. A tei ni katobibia te Um'antabunrianna taani kairiri akekei, ao Moote, e rinnako nanon te Um'antabunrianna.
25Ao ngke E taetae te UEA ma ngaia, ao te UEA, E anaa te m'aaka teutana mairoun Moote, ao E anganiia taani kairiri ake 70. Ao ngke a niniaki n te Tamnei, ao a takaarua n ai aroia burabeti. Ma bon ti aei te tai are a karaoa iai te aro aei.
26Ao a aki roko n te Um'antabunrianna taani kairiri ake uoman ake Eretata, ao Metata. Ao ngke a niniaki n te Tamnei, ao a takaarua i nukan te maeka arei n ai aroia burabeti.
27Ao e biri te ataeinimm'aane temanna ni kaongoa Moote taekaia Eretata, ao Metata.
28Ao e mena Iotua i rarikini Moote n aron are e boni kakaraoia ma ngke te ataeinimm'aane ngaia. Ao e taku nakoni Moote, “Teuae ko karineaki, Ko riai ni katokiia!”
29Ma e taku Moote nako ina, “Ko ira taangau? I tangiria riki b'a E na anga Tamneina te UEA nako ia aomata nako, b'a a aonga n riki ni burabeti aomata ni kabane.”
30Ao i mwiin arei, ao a nako Moote ma taani kairiri ake 70 n okira te maeka.
Karokoan Taiani Kuere iroun Te UEA31Tabeua te tai i mwiina, ao E a karokoa te ang ae korakora te UEA are a uki taiani kuere mai taari ni karokoa ae onrake aia maeka Iteraera n te mannikiba ni katobibia. A uataorake, e kaaniia teuana te miita rietaatana, ao tabeua te kiromiita raababan te tabo are kaonna n taabo nako.
32Ao a rikoi taiani kuere aomata i nanon uabong-e kaaniia teuana te tan rawawatan konan temanna. Ao i mwiina, a karaua ni kamaaea n taawaia.
33Ma i m'aain are e kona ni kanaki, ao E un te UEA i rouia, ao E karokoa te aoraki nakon te maeka.
34Ao ngke a tia n taunaki rab'ataia koraki ake a rangi n nanonrang n te kuere, ao a arana te tabo arei b'a “Ruanimateia Nanonrang.”
35Ao i mwiina, a kab'arai aia auti n rianna Iteraera, ao a m'ananga nako Aterota.
Who We AreWhat We EelieveWhat We Do
2025 by iamachristian.org,Inc All rights reserved.
