1Kam na neboa te UEA!
Ngkami akana ana toro te UEA,
kam na neboa arana!
2E na neboaki arana,
ngkai ao n aki toki.
3Kam na neboa aran te UEA
man otin taai
ni karokoa bungina!
4E tautaeka te UEA
i aoia botannaomata nako;
e mena mimitongina
i etani karawa.
5Akea n ai aron
te UEA ae Atuara.
E mena ana kaintokanuea i etani karawa,
6Ma E bobobaraki n taratara
karawa ma aonnaba.
7E buokiia akana kananoanga ni karikirakei aroia,
man te bubu ao te mannang,
8Ao E karikiia ni kakannato n ai aroia
aia uea ana botannaomata.
9E kakukureia te aine ae kanoabo
man anganna ana kariki
ni karikiia natina.
Takaruaea kamoamoaan te UEA!
Who We AreWhat We EelieveWhat We Do
2025 by iamachristian.org,Inc All rights reserved.
