1Ierutarem ae ana kaawa Tawita,
are nnen au baonikarea,
Ko a reke n te kaangaanga!
bukamarui am toa
n te ririki teuana ma teuana.
2N na bon teimatoa naba ni karawaawatako,
ao a na tang am aomata
ngkana I karaoa te baonikarea i bukim.
3N na katobibiko ma ni katauraoi
nakon buakanakim man itera ni kabane.
4Ane ko na weewete buokam,
mai inano i kabin aonnaba
n te b'anaa ae moan te mamaara.
5Ao i mwiina, e na karina ni uotaki nako
am kairiribai ae moan te tiritiri
n ai aron baareka i nanon te angibuaka.
6N na roko ni kamaiuko
ma m'aiei ao te baa
ma te ukeukenanti
Ngai ae te UEA ae Moan te M'aaka.
7a na bane ni mauna kaanga te mii
ngkana e a ngaina
botannaomata ni kabane aika a iowawa
aika a buakana Ierutarem
ma ni karawaawataa.
8Ao a na mate n te baki
ao te taka
botannaomata aikai aika a buakana
te Maunga are Tion.
Ane a na miia te am'arake ma te mooi
ma a na uti ni kua ma ni baki
ao n taka n aron ae a tuai man noonoria.
Buraabeti Aika A Kaburababaia I Bon Irouia9Kam na tiaoki ao kam na ntongitong,
ngkami aika burabeti!
Ao e na aki oota raoi ami taratara.
Kam na koro ni manging mani bebebebe,
ma tiaki mwiin te wain.
10E a tia te UEA ni karaoingkami b'a kam na nimatutuu;
ma ni karokoa te matu ae e korakora i aomi
ao n rabun atuumi.
11Ti te bo ana rongorongo ma te reta nakoimi ae e kanikinaeaki.
12A taku tabeman, “Ti aki konaa ni warekia b'a ti babanga ni wareware.”
13E a tia ni kaangai te UEA:
“A neboai aomata aikai
n aia taeka
ma bon akea raoi
nanoia i Rou.
A taromauriai ni kakaokioki
taian tua
ake a karaoaki i rouia aomata.
14Ma ngaia are, N na manga karaoi b'aai
ake a katiaokiia ma ni kamimiia,
ao N na kamaunai wanawanaia
akana a taku b'a a rabakau
ma n ataib'ai.”
15ko a bon reke n te kaangaanga,
ngkana ko kataia ni karabai am babaaire
mai roun te UEA!
Ke ngkana ko taku b'a a na aki konaa
n nooraki baika ko karaoi n te roo.
16Kam kareei b'aai ni kabane.
E aki taetae ni kaangai te raurau te tano ae e anaanau nakon
te boora te tano,
“Ko aki karaoai.
ao bon akea naba te b'ai ae ko ataia mairou.”
Te Kaantaninga I bukin Boong Aika A Na Roko17Ao ane e na oneaki n te tai ae e waekoa buakonikain Reb'anon
nakon te tawaana ni uita
ae buakoako kaanga te buakonikai.
18Ane a na konaa n ongo taningabono
te b'ai ae e warekaki nakoia;
ao ane a na kainaomataaki matakii
ma n te maiu i nanon te rotongitong.
19Ane a na bootaki ni kukurei ma n takaarua
aomata aika a maiu ni kainano ma aika a tangira buokaia
i bukin te UEA ae
Atuaia Iteraera ae E tabu.
20A na bane aika a iowawa ma aika a kainikatonga
n nako n aki manga oki.
Ao a na mauna nako
aika maiuakina te bure,
21n reitaki ma aomata ni kabane
aika a tataekina te kewe n tain te bowi
ma n teimatoa n aki anganiia
aika akea aia bure te babaire ae e eti.
22Aikai taeka aika e na taekin te UEA are e kamaiuia Aberaam
i bukin kanoan Iakob'a:
“Ane a na aki manga
mamaa ao ni b'ainrang.
23Ane a na neboai ma ni karineai,
ngkana a noora
korakoran aia botannaomata n aron ae I a tia ni karaoia, Ngai ae Atuaia Iteraera ae E tabu.
24Ane a na ataia aomata ni kabane
akana a mangaongao aia iango,
ao ane a na ongotaeka n Au reirei
akana a tia ni ngurengure.”
Who We AreWhat We EelieveWhat We Do
2025 by iamachristian.org,Inc All rights reserved.
