1I tauraoi Ngai ae te UEA
ni kaekaia naba
aika a aki buubuti
aika a aki kakaae.
Bootanaomata aika kam rawa
n taromauriai,
I taku nakoia, “Aio Ngai!”
2I kabongnga ni kawaria
aika a bonotaninga ao aika a taani bure
aika a touanako kawaia.
3A kaunai n taai nako
b'a a mata ni kakanikoai,
ngkana a angakarea
nakon aia bouannanti i nanon aia nne n aroka
ao a kabuoki taiani kaboiarara
nakoia i aon taiani buriki.
4A kakangainaa
ni karabaia i nanon taian nangananga are nneia maate;
a kang irikon taian beeki,
aika a kuukanaki i nanon tioti
aika a kam'araa n te kanaki.
5Ao a taku nakoia tem'angina, “Kam na aki kaaniira!
Ti katabuaki b'a a na aomata te Atua.”
Kaanga taiani bubu aekaki n aomata aikai,
aika a kamaraka b'airiu ni katoa bong.
6I a tia ni korea te baei;
N na aki kainab'aabu.
N na kaokia nakoia
n aron are a bon riai n anganaki i bukin aia bure.
7Bon Ngai ae te UEA ae N na karaoia b'a a na kabooa mwiina
i bukin aia bure nako
ao i bukiia aia bakatibu
a tia ni kab'ainrangai
ngke a kabuoki taian b'aini kaboiarara
i aon taiani maunga.
8Aio te b'ai are e taekinna te UEA:
boota ni kureebe
ae a kaotinakoa te wain
a bongana kawakinaia
Ma, i bukimi aika au toro,
N na bon aki ekaanako temanna.
9I a tia n rineia aomata
aika Iteraera ao Iuta,
N na kakab'aiaia
ma kaain aia baronga.
Ana maeka ikai
n aaba aika maungaunga.
ao ana riki b'a aia b'ai.
10A na taromauriai
ao N na kairiia aia tiibu ma aia nanai ni kao
ni kawakinia i Aoraoin Tiaron i maeao
ao i nanon M'aruan te Kaangaanga i mainiku.
11“Ma e na kaangaanga nakoimi ngkami aika kam m'anuokinai, ao ngkami naba aika kam m'anuokina Tion, au Maunga are Tabu, ao ma n taromauria Kaata, ao Meni, ake atuan te tekeraoi ma tokin te waaki.
12Tokimi bon te mate kaakaiaki, i bukina b'a kam aki kaeka ngke I weteingkami, ao kam aki ongora naba ngke I taetae. Kam rineia b'a kam na bonotaninga nako iu ao ni karaoa naba ae buakaka.
13Ma ngaia are, I tuangngkami koraki aika kam taromauriai ma n ongotaeka nako iu b'a a na m'aiti kanami ma nimami, ma kam na baki ao n taka. A na kukurei ngaiia, ma kam na rawaawata ngkami.
14A na anene ni kim'areirei, ao ngkami kam na tangi ma te uruaki n nano.
15au Aomata aika a rineaki a na kamanenaa aram i bukin te kamaraia. Ma ngai, ae te UEA ae I tautaekan b'aai ni kabane, N na tiringingkami. Ao N na anganiia ake a ongotaeka irou te ara ae boou.
16Kaain te aba ane e bubuti kakab'aiakina, e na tuangaki b'a e na kakab'aiaki mai roun te Atua ae e kakaonimaki. Ane e taetae ni bau e na taetae ni bau n aran te Atua ae e kakaonimaki.
Te Karikib'ai ae Boou17E taku te UEA, N na king karaoa te aonaaba ae boou ma karawa aika a boou. A na m'anuokinaki b'aini ngkoa.
18Kukurei ao kim'areirei n aki toki ni baika I karaoi. N na kaona Ierutarem ae boou n te kim'areirei, ao a na kukurei kaaina.
19N na kaonaki n te kim'areirei i bukin Ierutarem ma ana botannaomata. Akea ae e na tang ikekei, ao akea ae e na kakaea buokana.
20Akea ae e na mate i nanon uarerekena, ao aomata ni kabane a na ab'ab'aki maiuia. Akana tebubua aia ririki a na atongaki b'a merimeri. Ngkana iai aika a mate i m'ain karaiia a na atongaki b'a I katuaaia.
21A na katei aia auti ao a na maekan; a na karaoi aia onaroka ao a na kanga uaaia.
22A na aki katei auti ao ni kaainaki irouia tekorakina; a na aki karaoi onaroka ao ni kanaki uaaia irouia tekorakina; b'a bongini maiun te aroka ai aron bongini maiuia au aomata, ao au aomata ake a rineaki a na maan aia tai ni kukurei ni m'am'akurin baiia.
23A na tetekeraoi aia m'akuri, ao natiia a na aki kaitibo ma kabuanib'ai. N na kakab'aiaia ma kanoaia ni kabane aia tai.
24Im'ain tokin aia tataro, ao N na kaekai aia tataro.
25Kameanti ma tiibu a na uaia n am'arake; raian a na kang uteute, n ai aroia nanai ni kao, ao naeta a na toki aia tiritiri. I aon au maunga are e tabu are Tion e na bon akea te kabuanib'ai ma te tiritiri.
Who We AreWhat We EelieveWhat We Do
2025 by iamachristian.org,Inc All rights reserved.
